МОНГОЛ ЭМЭГТЭЙЧҮҮДИЙН БИЧИГ ҮСГИЙН ЧАДВАР 98,6% БУЮУ 35 ОРНООС 12-Т ЭРЭМБЭЛЭГДЖЭЭ

/in , , , , /by

Азийн хөгжлийн банкнаас 2021 онд Ази, номхон далайн орнуудын дунд хийсэн судалгаагаар Монгол эмэгтэйчүүдийн бичиг үсгийн мэдлэгийн түвшин 98.6 хувь буюу 35 орноос 12 дугаар байрт оржээ.

Узбекистан эмэгтэйчүүдийн бичиг үсгийн мэдлэгийн түвшин 100%-аар нэгдүгээр байрт жагсаж байна.

Монгол Улсын хэмжээнд хүн амын бичиг үсгийн мэдлэг байнга өсөж ирсний дотор бичиг үсэгтний хувь

  • 1921 онд 2.1 хувь 
  • 1944 онд 27.3 хувь
  • 1956 онд 70.5 хувь
  • 1979 онд 92.7 хувь
  • 2000 онд 97.8 хувь байсан бол 2020 онд 98.7 хувь болж өсжээ.

МОНГОЛ АЗАРГАНЫ ЗАСААГ ХЯРГАЖ БАЙГАА НЬ АМЬТНЫ ЭРХИЙГ ЗӨРЧСӨН АСУУДАЛ ГЭЖ ҮЗЛЭЭ

/in , , , , /by

Монголын үндэсний морин уралдаан, уяачдын холбоо, Монгол адуу нийгэмлэгээс “Монгол азаргыг хэрцгийгээр эрэмдэглэхээ зогсоо” сэдвээр хэвлэлийн бага хурал хийлээ.

Энэ талаар “Монгол адуу” нийгэмлэгийн удирдах зөвлөлийн гишүүн Г.Чойжамц” Монголчууд морийг өөрсдийн хийморь, сүлдтэй холбож ярьдаг. Гэвч адуундаа хамгийн харгис хандаж, амьдаар нь эд эрхтнийг нь тайрч байна. Энэ бол бидний ой тойнд багтамгүй зүйл. 

Монгол азарганы сэлдий буюу засааг хяргаж байгаа нь амьтны эрхийг зөрчсөн асуудал юм. Мориныхоо нуруун дээр өсөж торнисон монгол хүмүүс өнөөдөр эрийн хийморь болсон эцэг малынхаа эд эрхтнийг тайрч байна. Зүчээтэй уяач болгон, айл бүр өнөөдөр ийм харгислал үйлдэж байна.

Үүнтэй холбоотойгоор Монгол Улсын Ерөнхийлөгч болон Хүнс, Хөдөө Аж Ахуй, Хөнгөн Үйлдвэрийн сайдад албан шаардлага өгнө” гэдгээ илэрхийлсэн юм. 

Мөн тэрбээр “Гадаадаас үржүүлгийн зорилгоор азарга оруулж ирэхийг хатуу хориглох хэрэгтэй. Түүнчлэн монгол азаргыг эрэмдэглэх явдлыг улс даяар хатуу таслан зогсоож, хуулийн хариуцлага тооцдог шийдвэр гаргаж өгөх хүсэлттэй байна.

Үүнийг шийдвэрлэхгүй бол Дэлхийн амьтныг хамгаалах нийгэмлэг рүү хандана. Адуунд хайртай монголчууд өөрсдөө адууныхаа эд эрхтнийг тайраад эрлийз адуугаараа мөнгө олж байна гэдгийг дэлхий сонсох юм бол шившиг болно” гэв. 

ОХУ МОНГОЛ УЛСЫН ИРГЭДИЙГ ХИЛЭЭР ЭЛСЭН ЧИХЭР ҮР ТАРИА ГАРГАХЫГ ХОРИГЛОЛОО

/in , , /by

ОХУ-ын Засгийн газрын өнөөдрийн шийдвэрээр Орос-Монголын хилийн автозамын боомтоор хорио цээрийн хязгаарлалтгүй зорчих болж, хилийн зурвасыг нээхээр болсон.

Энэ шийдвэртэй уялдаад Буриад улсын Гаалийн албанаас Монгол Улсад зорчих иргэдэд зориулан тусдаа шинэ журам баталжээ. Тус шинэ журмаар бол АНУ болон Барууны улс орнуудын ОХУ-ын эсрэг авч буй эдийн засаг, улс төрийн хориг арга хэмжээ, түүнээс үүдэлтэй эдийн засгийн хүндрэлтэй холбогдуулан Монгол Улсын хил гаалиар нэвтрэх дотоодын болон гадаадын бүх иргэдийг элсэн чихэр, үр тариа авч гарахыг хориглоно гэжээ. Зөвхөн Монгол Улсын иргэдэд төдийгүй Евразийн Эдийн Засгийн Холбооны орнууд ч эскпортлохыг хориглосон байна. Хэрвээ хоригт багтсан эдгээр бүтээгдэхүүнүүдийг хувийн зорилгоор бага хэмжээгээр авч гарахыг оролдвол хураан авч, зохих торгууль ногдуулахаар заажээ. Үр тариа гэдэгт тариа улаан буудай, хөх тариа, арвай, эрдэнэ шиш багтаж байгаа юм. Хоригийг 6-р сарын 30 хүртэл, харин элсэн чихэр, чихрийн нишингийн хоригийг 8-р сарын 31 хүртэл тогтоохоор болсон гэдгийг Буриад улсын Гаалийн албаны 1-р орлогч дарга Иван Бурлака тайлбарлажээ.

ТӨРИЙН АЛБАНЫ ШАЛГАЛТ IV САРЫН 1-НД ЭХЭЛНЭ

/in , , /by

Төрийн албаны ерөнхий шалгалтад энэ удаа 7675 иргэн бүртгүүлсэн бөгөөд шалгалт 2022 оны дөрөвдүгээр сарын 1-ний өдрөөс эхлэн зохион байгуулагдана.

Шалгалтад орох иргэд exam.csc.gov.mn цахим системийн “Бүртгэлд хамрагдсан иргэд” цэс рүү орж хаана, хэзээ, хэдэн цагт шалгалт өгөх товоо мэдэх боломжтой.

Хэрвээ Та нэвтрэх эрх, нууц үгээ мартсан бол бүртгэлтэй гар утасны дугаартаа 1 удаагийн код хүлээн авч нууц үгээ солино. Та иргэний үнэмлэхтэйгээ шалгалт эхлэхээс 30 минутын өмнө ирж, танхимд суудлаа эзэлсэн байхыг анхаарна уу.

189 мянган өрхийн шөнийн цахилгааны төлбөрийг 100 хувь хөнгөлнө

/in , , /by

Монгол Улсын Засгийн газрын 2017 оны долдугаар сарын 4-ний өдрийн 199 дүгээр тогтоолоор Гэр хорооллын айл өрхөд цахилгаан эрчим хүчний тарифын хөнгөлөлт үзүүлэх журам шинэчлэгдэн батлагдсан.

Тус тогтоолын дагуу агаарын бохирдлыг бууруулах зорилгоор гэр хорооллын өрхийн шөнө, оройн цагаар хэрэглэсэн цахилгааны тарифыг тэглэдэг билээ. Энэ хөнгөлөлт ирэх сарын 1-нээс  эхэлж байгаа бөгөөд Улаанбаатар хот болон аймгийн төв, арван мянгаас дээш хүн амтай сум, суурин газрын айл өрхүүд хамрагдана.

Ингэхдээ стандартын шаардлага хангасан баталгаажсан тарифт тоолууртай, цахилгаан эрчим хүчний өр төлбөргүй гэр хорооллын хэрэглэгчид хөнгөлөлтөд хамрагдах шаардлага тавьж байгаа аж.

Цахилгаан, дулааны төлбөрийг тодорхой метр квадрат заан хөнгөлж байгаа ч ирэх сарын 1-нээс шөнийн хөнгөлөлтийг мөн тооцож эхлэх юм байна.

Тухайлбал, арваннэгдүгээр сарын 1-нээс нийслэлийн гэр хорооллын 117 мянга, аймаг, орон нутгийн 72 мянган айл өрхийн шөнийн цахилгааны төлбөрийг 100 хувиар хөнгөлнө.

Энэ нь агаарын бохирдлыг бууруулахын тулд гэр хорооллын айл өрхүүдийг цахилгаанаар халаалт, дулаанаа шийдэхийг дэмжих зорилгоор хэрэгжүүлж буй нэг алхам юм. Энэ жилийн хөнгөлөлтөд гэр хорооллын 189 мянган айл өрх хамрагдаж, үүнд 4.7 тэрбум төгрөгийн хөнгөлөлт үзүүлэхээр төлөвлөсөн.

Хөнгөлөлт ирэх сарын 1-нээс 2022 оны дөрөвдүгээр сарын 1-н хүртэлх хугацаанд оройн 21.00 цагаас өглөөний 06.00 цагийн хооронд үйлчлэх юм.

Монгол Улсын 2021 оны төсвийн тухай хуульд өөрчлөлт оруулах тухай Засгийн газрын хуралдаанаар хэлэлцэн шийдвэрлэсний дагуу Улсын Их Хуралд өргөн мэдүүлсэн. Үүний дагуу хүүхдийн тэтгэмжийг 2021 он дуустал 100 мянган төгрөгөөр үргэлжлүүлэн олгох, айл, өрх, аж ахуйн нэгж, байгууллагад үзүүлсэн цахилгаан, дулаан, ус, хогны төлбөрийн чөлөөлөлтийг 2021 он дуустал үргэлжлүүлэхээр болсон билээ. Covid-19 цар тахал болон бусад урьдчилан тооцоолох боломжгүй эрсдэлийг даван туулахад чиглэсэн арга хэмжээнд зориулж Засгийн газрын нөөц сан болон аймгийн Засаг даргын нөөц хөрөнгийг нэмэгдүүлэх шаардлагатай хэмээн холбогдох зохицуулалтыг төсөлд тусгасан юм.

Монгол төрийн түүхийн музейг, Чингис хаан музейтэй нэгтгэнэ

/in , , , /by

Монгол төрийн түүхийн музейн үйл ажиллагааг 2022 оны нэгдүгээр сараас 1-ний өдрөөс эхлэн зогсоож, “Чингис хаан” музейд нэгтгэх шийдвэр гарчээ. Ингэснээр музейн эд хөрөнгө, үзмэр, сан хөмрөг, эд өлгийн зүйлийг “Чингис хаан” музейд балансаас баланст шилжүүлэх гэнэ.

“Чингис хаан” музейн бүтээн байгуулалтын ажил 98 хувьтай үргэлжилж байгаа бөгөөд нийт 62.8 тэрбум төгрөг зарцуулсан.  Шинэ музей ирэх оны хоёрдугаар улиралд албан ёсоор музей үүд хаалгаа нээхээр төлөвлөсөн гэдгийг Соёлын дэд сайд М.Батбаяр хэлсэн юм.

Монгол төрийн түүхийн музей нь Төрийн ордны өргөтгөлд үйл ажиллагаа явуулдаг, үзмэрийн дөрвөн танхимтай, жилд дунджаар 24 мянган хүнд үйлчилдэг, орон тооны 18 ажилтантай аж.

Их Монгол Улс, Монголын эзэнт гүрний хаадын алт, мөнгө, зэс зооснууд, Өмнөговь аймгийн Ноён сумын Цагаан ханангийн агуйгаас олдсон XIII зууны үеийн язгууртны хувцас хэрэглэл, Хэнтий аймгийн Дэлгэрхаан сумын Бурхан толгойн булшнаас гарсан Монгол хатны богтог малгай болон эрт, эдүгээгийн төрт ёсны түүхэнд холбогдох ховор нандин 703 дэсийн 1237 үзмэртэй ажээ.

“Чингис хаан” музейн бүтээн байгуулалтын ажлыг Соёлын яамны захиалгаар, “Балданс” компани музейн зураг төслийг хийж, “Билгүүн Монгол констракшн” ХХК барилга угсралтын ажлыг гүйцэтгэн, Барилгын хөгжлийн төв захиалагчийн хяналт тавин ажилласан байдаг.

ТАЛАРХЛЫН АЯН

/in , , , /by
“Хөвсгөл аймгийн эрүүл мэндийн салбарын эмч, мэргэжилтэн, ажилтнууддаа баярлалаа” цахим талархлын аянд байгууллага, ААН, иргэдийг идэвхтэй оролцохыг уриалж байна.
Хүнд хэцүү цаг үед иргэдийнхээ төлөө өргөсөн тангарагтаа үнэнчээр эрүүл мэндийг сахин хамгаалж байгаа эмч нартаа үгийн урам хайрлая.
Эмч нарын хамгийн том шагнал бол иргэд үйлчлүүлэгчдийн “БАЯРЛАЛАА” хэмээх талархлын сэтгэл юм шүү.

Гал түймрээс урьдчилан сэргийлэх зорилгоор “Мартаж болохгүй” аян зарлалаа

/in , /by

Нийслэлийн Онцгой байдлын газраас ахуйн гал түймрийн эрсдэлээс урьдчилан сэргийлэх, гал түймрийн тоо хохирол, эрсдэлийг бууруулах зорилгоор “Мартаж болохгүй” аяныг өнөөдрөөс зарлалаа. Тус аяны талаар болон цаг үеийн нөхцөл байдлын тухай Нийслэлийн Онцгой байдлын газар (НОБГ)-ын Гамшгаас урьдчилан сэргийлэх хэлтсийн дарга Г.Нэргүй, Нийслэлийн Агаарын бохирдолтой тэмцэх газар (НАБТГ)-ын дарга Б.Пүрэвсүрэн, “Таван толгой түлш” ХХК-ийн Хэрэглэгчдэд үйлчлэх албаны дарга Ч.Буянжаргал нар мэдээлэл өгөв.

Нийслэлийн хэмжээнд 2016-2021 онд  12.378 объектын гал түймрийн дуудлага ирж, 102 том хүн, 32 хүүхэд гал түймэрт өртөн, амиа алдсан байна. Мөн 100 том хүн, 28 хүүхэд гал түймрийн улмаас эрүүл мэндээрээ хохирч, түлэгджээ. НОБГ-ын алба хаагчид 4894 иргэний амийг авран хамгаалж, байгууллага, иргэний 20.6 тэрбум төгрөгийн өмч, хөрөнгийг галын аюулаас хамгаалсан гэх тооцоо гарчээ. Өнгөрсөн хугацаанд бүртгэгдсэн объектын гал түймрийн хамгийн өндөр хувь буюу 4772 тохиолдол  нь ил задгай гал, үнс нурам асгаснаас, тамхи, чүдэнзний цогоос үүдэлтэй. Үүний дараа яндангийн цонолт, цахилгаан угсралт, ашиглалтын буруутай үйл ажиллагаанаас үүдэлтэй гал түймрийн дуудлага бүртгэгдэж байна.

НОБГ-ын Гамшгаас урьдчилан сэргийлэх хэлтсийн дарга Г.Нэргүй “Объектын гал түймэр ихэвчлэн шөнө, үүрийн цагаар гардаг. Нийслэлийн Онцгой байдлын газарт хоногтоо 8-10 дуудлага ирж байна. Өнгөрсөн долоо хоногт нийт 45 гал түймрийн дуудлага бүртгэгдсэнээр 2021 он гарснаас хойших хамгийн их дуудлагатай долоо хоног боллоо. Тус 45 дуудлагаас таван хүний эрдэнэт амь нас эрсэдсэн. Мөн угаарын хийн хордлогод өртөх эрсдэл ч өндөр байна. Иймд гал түймрийн эрсдэлээс урьдчилан сэргийлэх, хохирол, дуудлагын тоог бууруулах зорилгоор “Мартаж болохгүй” аяныг зарлалаа. Уг аяны хүрээнд гэр хорооллын бүсүүдээр хяналт, шалгалтыг зохион байгуулж, олон нийтийн хэвлэл мэдээллийн хэрэгслээр зөвлөмж, зөвлөгөө бүхий дүрс, мэдээллийг хүргэж ажиллахаар төлөвлөж байна” гэв.

Энэ үеэр НАБТГ-ын дарга Б.Пүрэвсүрэн угаарын хийн эрсдэлтэй холбоотой мэдээллийг өгсөн юм. Тэрбээр “2019 оноос хойш Улаанбаатар хотын агаарын чанарыг сайжруулсан бүс буюу төвийн зургаан дүүрэгт сайжруулсан шахмал түлш хэрэглэж эхэлсэн. 2019-2020 онд 2970 хүн, 2020-2021 онд 786 хүн угаарын хийн эрсдэлд өртсөн байдаг. Харин 2021 оны галлагааны улирал эхэлсэн цаг буюу энэ оны есдүгээр сарын 1-нээс хойш 120 орчим хүн угаарын хийн эрсдэлд өртжээ. Статистик үзүүлэлтээр угаарын эрсдэлд өртөж буй иргэдийн тоо буурч байгаа ч тайвширч болохгүй. 2019, 2020 оны угаарын хийд өртсөн дуудлагын дийлэнх нь сайжруулсан түлш түлэх мэдлэг, мэдээлэл дутсантай холбоотой байсан. Харин 2021 оны угаарын хийн эрсдэлийн дийлэнх нь иргэдийн хайхрамжгүй байдалтай холбоотой. Улаанбаатар хотод шилжиж ирээд хаягаа бүртгүүлээгүй, дүүрэг хороондоо харьяалалгүй, “Таван толгой түлш” ХХК-аас угаар мэдрэгчээ аваагүй байдлаас үүдэн угаарын хийн эрсдэлд өртөх магадлал өндөр байна. Төрийн байгууллагуудаас угаарын хийн эрсдэлээс урьдчилан сэргийлэх, иргэдэд мэдлэг, мэдээлэл олгох аянуудыг шат дараатай хэрэгжүүлж байгаа. Мөн төрийн болон төрийн бус байгууллагуудаас бүх талын судалгааг аван, шаардлагатай арга хэмжээг авч байна. Иймд иргэд, олон нийт сэрэмжтэй байж, дор бүрнээ хариуцлагатай байх хэрэгтэй. Агаарын бохирдлыг бууруулах, угаарын хийн эрсдэлийг арилгахад ганц төрийн байгууллагын үйл ажиллагаа, шийдвэр хангалтгүй. Төр, иргэн, хувийн хэвшлийн хамтын ажиллагаа, хариуцлага чухал” хэмээн тодотгож байлаа.

“Таван толгой түлш” ХХК-аас 8600 айлд дамжуулагчтай угаарын хий мэдрэгчийг суурилуулжээ. Уг дамжуулагчийг суурилуулснаас хойш буюу 12 хоногийн хугацаанд 58 айлаас угаарын хий ялгарсан гэх мэдээ ирсэн байна. Цаашид угаарын хийн өндөр эрсдэлтэй 63 мянган өрхөд тус дамжуулагчийг суурилуулах аж. Энэ талаар “Таван толгой түлш” ХХК-ийн Хэрэглэгчдэд үйлчлэх албаны дарга Ч.Буянжаргал “Өнгөрсөн долоо хоногт угаарын хий дамжуулагчийн тусламжтайгаар 58 өрхийн 200 гаруй иргэнийг угаарын хийн эрсдэлд өртөхөөс урьдчилан сэргийллээ. Иргэд угаарын хий дамжуулагчаа зөвхөн гал түлэх үедээ ажиллуулах тохиолдол зонхилж байна. Бусад үед нь тог, цахилгаан үрээд байна гэх шалтгаанаар тэжээлээс  нь салгах тохиолдол олон гарчээ. Засгийн газраас арванхоёрдугаар сарын 31-нийг хүртэл цахилгааны төлбөрийг 100 хувь хөнгөлөх шийдвэр гарсан тул угаарын хий мэдрэгчээ салгахгүй байхыг иргэдэд сануулъя. Хяналтын баг таны гэрт угаарын хий мэдрэгдэж буй эсэхийг 24 цагийн турш дэлгэцээр хянаж байгаа тул дамжуулагчаа салгаж болохгүй” хэмээн иргэдэд анхаарууллаа.

Мөн угаарын хий мэдрэгчээ эвдэх, зарж борлуулсан хүн ч бий гэнэ. Тус угаарын хий мэдрэгчийг өрхөд нэг л удаа үнэ төлбөргүй олгож байгаа бөгөөд эвдсэн, худалдсан тохиолдолд өөрсдөө худалдаж авах учиртайг албаныхан сануулж байв.

НЗДТГ-ЫН ХЭВЛЭЛ МЭДЭЭЛЭЛТЭЙ ХАРИЛЦАХ ХЭЛТЭС

Халдварын улмаас улсын хэмжээнд 3184 хүүхэд, 1248 жирэмсэн эх эмчлүүлж байна

/in , , /by

Сүүлийн 24 цагийн хугацаанд улсын хэмжээнд короновирусын 1095 тохиолдод батлагдаж 6 иргэн харамсалтайгаар амиа алдлаа. Нийт 19093 иргэн эмчлүүлж байгаагаас 3184 хүүхэд, 1284 жирэмсэн эх байна. Биеийн байдлын хувьд 9464 иргэн хөнгөн, 7041 иргэн хүндэвтэр, 2220 иргэн хүнд, 368 иргэн нэн хүнд байна.

Нийт 1593 иргэн харамсалтайгаар амь насаа алдаад байна.

Долоо хоногийн өрнийн зурхай (2021.X.24-2021.X.30)

/in , /by


ХОНЬ

Бага зэрэг хүчин чармайлт гаргахад та хүсч байгаа амжилтдаа хүрнэ. Таны мэргэжлийн салбарт гаргасан амжилт сайшаал хүлээх магадлалтай байна. Санхүүгийн авьяас чадвараа ашиглавал эд баялаг тань нэмэгдэх болно. Энэ долоо хоногт хурим, шашны зан үйл зохион байгуулахад таатай үе. Аялал зугаалгаар явах үедээ хэн нэгэн эсрэг хүйстний анхаарлыг татах магадлалтай байгаа тул та хайр дурлалд бэлэн байгаарай. Удтал хүлээсэн үл хөдлөх хөрөнгө эзэмшилд тань ирэх магадлалтай байна. Үүссэн үл ойлголцлыг нэн тэргүүнд шийдвэрлээрэй. Эс бөгөөс томоохон хэрүүл маргаанд хүрч болзошгүй юм.

ҮХЭР

Хэрэв та санаачлагыг гартаа авбал бүх зүйл таны хүссэнээр урагшлах болно. Тиймээс хөдөлж эхлэхтүн. Гэр бүл зохиоход тулгарч буй бүх саад тотгор арилж, хуримын хонх дуугарах төлөвтэй байна. Та төслийг хугацаанд нь гүйцэтгэхийн тулд ажлаа нарийн төлөвлөж, доод албан тушаалтнуудын дэмжлэгийг авах хэрэгтэй. Сонин, содон газар очиж амралтаа зугаатай өнгөрүүлэх төлөвлөгөө тань эрчимжиж магадгүй. Үрэлгэн байдал таны санхүүд сөргөөр нөлөөлнө. Эрдмийн үйл эрхлэгчид хийж буй зүйлдээ бүх анхаарлаа төвлөрүүлээрэй. Эрүүл мэнддээ анхаарч, идэж буй зүйлдээ сонголттой хандахыг зөвлөж байна.

ИХЭР

Ажлын талбарт таны мэргэжлийн зүгээс оруулах хувь нэмэр үнэлж баршгүй байна. Тиймээс та олны анхааралд өртөж, нэр хүнд тань өсөх магадлалтай. Идэвхи санаачлагынхаа ачаар та нийгмийн салбарт эрэлттэй нэгэн байх болно. Таны эрдмийн үйлд гаргасан хүчин чармайлт гайхалтай амжилт дагуулна. Гэр бүлийн харилцаанд ирээдүйн аз жаргалд хөтлөх сайн мэдээ таныг хүлээж байна. Хэрэв та цаг тухайд нь, ухаалаг шийдвэр гаргавал мөнгө олох боломжууд гарч ирнэ. Фитнесийн дэглэмд оруулсан өөрчлөлт эрүүл мэндэд ашиг тусаа өгөх магадлалтай.

МЭЛХИЙ

Үйл явдал яг таны төлөвлөж байснаар өрнөх тул сэтгэл хөдлөм мөчүүдэд бэлтгэлтэй байгаарай. Таны бүтээлч байдал, чөлөөт сэтгэлгээ мэргэжлийн салбарт шинэ боломжуудыг нээх болно. Лаврууд эрдмийн фронтод шаргуу хөдөлмөрөөр ялах магадлалтай. Эрдмийн үйлд шамдагчид шаргуу зүтгэлийнхээ үр шимийг хүртэнэ. Хэн нэгэн танд тусламжийн гараа сайн дураар сунгаж болох юм. Удаан хугацаанд сарнисан хэлхээ холбоо сэргэх магадлалтай байна. Таны хийсэн эерэг алхмууд санхүүгийн байдлыг тань сайжруулах болно. Бичиг цаасны ажил хэвийн явагдсанаар газар, эсвэл байшин эзэмших төлөвлөгөө тань хэрэгжих төлөвтэй байна. Эрүүл мэндээ хадгалахын тулд бага зэргийн зовиурт ч ач холбогдол өгөхийг од эрхэс анхааруулжээ.

АРСЛАН

Гэр бүлийн цугларалтад оролцсоноор ойр дотны болон дотны хүмүүстэйгээ цагийг зугаатай өнгөрүүлэх болно. Сэтгэл санаагаа хямгадах нь сэтгэлийн хямралыг даван туулахад тустай байна. Та эрдмийн үйлд шаргуу хичээл зүтгэлээрээ амжилт олох болно. Худалдаа наймаа эрхэлдэг хүмүүс эцэслэн байгуулсан шинэ хэлэлцээрээр баялаг босгох магадлалтай. Хайр дурлалын хамтрагчдаа нууцаа задлахаас зайлсхий. Багагүй хугацаанд хүсч төлөвлөж байсан зүйлээ хэрэгжүүлэхэд тохиромжтой цаг. Таны холын төлөвлөгөөнд гэнэтийн саад бэрхшээл тулгарч магадгүй юм. Тиймээс тэвчээртэй байгаарай.

ОХИН

Хувийн амьдрал болон ажил мэргэжлийн аль алиныг өөдрөгөөр харах аваас таны урагшлахад тустай байх болно. Жижиг сажиг зүйлд ч анхаарлаа хандуулж, төгс төгөлдөрт хүрэх эрмэлзэл тань ажлын талбарт эерэг үр дүн авчирч, хэн бүхний хайр талархлыг хүлээх болно. Хайр сэтгэлийн бат бөх харилцаатай хүмүүс гэр бүлийн дэмжлэг хүлээж, өрх тусгаарлах магадлалтай. Та хайр дурлалын харилцаагаа амжилттай болгохыг хүсвэл онцгой хүчин чармайлт гаргах хэрэгтэй болно. Од эрхэс үл хөдлөх хөрөнгийн худалдан авалтыг ивээх тул мөрөөдлийн байшин тань ойрхон байна. Амьдралын хэв маягтаа эерэг өөрчлөлтүүд хийх магадлалтай.

ЖИНЛҮҮР

Та хайр сэтгэл, эд баялгийн хувьд зөв сонголт хийж байгаа тул итгэлтэйгээр урагшлаарай. Гэр бүлийн гишүүдтэйгээ урт аялалд гарах нь сэтгэл хөдөлгөм төдийгүй үл ойлголцлыг арилгахад туслах болно. Асуудалд орохоосоо өмнө нэмэгдэж буй зардалдаа болгоомжтой хандах хэрэгтэй. Ажил мэргэжил, эрдмийн үйлд гаргасан амжилтдаа сэтгэл ханах байдал таны давуу талд сөргөөр нөлөөлөх болно. Мөн амттан, нэмэлт бүтээгдэхүүнд дурлах аваас фитнесээр олж авсан амжилтаа үгүй хийхэд хүрнэ. Хайр дурлалын тал дээр сэтгэл хөдөлгөм үйл явдлууд болох магадлалтай. Таны харж явдаг хүн таны сэтгэлд хариу үйлдэл үзүүлэх болно.

ХИЛЭНЦ

Таны гүйцэтгэл, бүтээлч байдал дээд албан тушаалтнуудын анхаарлыг татаж, ахиц дэвшлийн замыг нээх болно. Гэр бүлийн орчинд зохион байгуулсан томоохон үйл ажиллагаа удаан хугацаанд хол байсан гэр бүлийн гишүүдийг ойртуулна. Шинэ хайр дурлалын харилцаанд хөл алдаж мэдэх тул бэлэн байгаарай. Удаан хүлээгдэж байсан өр төлөгдсөнөөр таны санхүүгийн байдал тогтворжих болно. Найз нөхөд, эсвэл хайртай хүмүүстэйгээ адал явдалтай аялалд гарч болзошгүй юм. Илүү идэвхтэй амьдралын хэв маягийг эрэлхийлэх нь биеийн галбирт тустай байх болно. Хэн нэгэн танаас мэргэн зөвлөгөө авахыг хүсвэл тэдэнд дуртайяа туслаарай.

НУМ

Хэвлэл мэдээлэл, харилцаа холбооны ажилтнуудын хувьд нэр хүндтэй шагнал ирэх магадлалтай байна. Элсэлтийн шалгалт зэрэгт гаргасан амжилт таны өмнөх хичээл зүтгэлийн үр дүнг харуулж байна. Таны тооцоотой, хурдтай шийдвэрүүд мөнгөний ашиг авчирч, санхүүгийн эрх чөлөө бий болгоно. Амьдралын шинэ өнгө аясыг эрэлхийлэх оролдлого тань гэр бүлийн дэмжлэг хүлээнэ. Таалагдсан хэн нэгний анхаарал халамж таны зүрх сэтгэлийг хөдөлгөж, шинэ харилцаа үүсгэх боломж олгоно. Та эрүүл мэнддээ анхаарал хандуулснаар долоо хоногийн турш эрч хүчтэй байна. Үзэсгэлэнт газар руу богино хугацаанд хийх аялал таны мэдрэмжийг сэргээх болно.

МАТАР

Амжилтад хүрэх магадлал өндөр байна. Тиймээс хүссэн зүйлдээ хүрэхийн тулд бүх хүчин чармайлтаа гаргах хэрэгтэй. Мэргэжлийн талбарт авьяас чадвараа харуулах боломж гэнэтийн байдлаар гарч ирвэл боломжийг ашиглаарай. Хайр дурлалын амьдрал танд асар их таашаал, сэтгэл ханамж авчирна. Санхүүгийн тогтвортой байдал танд мөнгөө хүссэнээрээ зарцуулах боломж олгоно. Хоол хүнсний сонголтдоо анхаарах аваас фитнест илүү их амжилт гаргахыг зөвлөж байна. Хүмүүстэй уулзах, зугаалах зэргээр энэ долоо хоногийг өнгөрүүлж магадгүй юм.

ХУМХ

Амжилтад хүрэх магадлал өндөр байгаа тул аливаа төсөл, санаануудаа мэргэжлийн түвшинд бэлтгэх хэрэгтэй. Татварын асуудлаа үр дүнтэй зохицуулахыг хүсвэл мэргэжилтнүүдээс зөвлөгөө аваарай. Сэтгэлийн амар амгалан байдлаа хадгалахын тулд санамсаргүй хэлсэн, эсвэл хийсэн зүйлд ач холбогдол өгөхгүй байхыг зөвлөж байна. Гэр бүлийн орчинд хурим найртай холбоотойгоор баярын уур амьсгал зонхилох магадлалтай. Таны романтик харилцаа савлаж буй энэ үед хайртай хүнтэйгээ бодолтой харилцаарай. Хайртай хүн тань сонирхолтой аялалд урьж магадгүй байна.

ЗАГАС

Томоохон төслийг амжилттай дуусгахын тулд та хүчин чармайлт гаргах хэрэгтэй. Ажил дээр танд атаархсан хүмүүс таны замд саад учруулж болзошгүй тул сэрэмжтэй байгаарай. Хилийн чанадад байгуулсан ашигтай гэрээ танд санхүүгийн өгөөж өгөх болно. Түнш, эсвэл хань ижилд тань орон зай хэрэгтэй байж магадгүй тул тэдэнд үүнийг бий болгоорой. Зарим хүмүүсийн хувьд ажлын байранд хайр дурлал өрнөж, анхаарал сарниулсан долоо хоног өнгөрч болзошгүй. Аялал зугаалга, тэр дундаа гадаад руу явахаар бол үүсч болзошгүй бэрхшээлээс сэргийлэн, эд зүйлсээ сайтар шалгахыг зөвлөж байна. Эрүүл мэнд сайнгүй байгаа хүмүүсийн биеийн байдал мэдэгдэхүйц сайжирна.