​ТАНИЛЦ: Эмээлтийн эрхээ түр хасуулсан 20 компанийн 11 нь хятад эзэнтэй

/in , , , , /by

МХЕГ-аас Эмээлт дэх мах боловсруулах үйлдвэрт төлөвлөгөөт бус шалгалт хийж, 20 үйлдвэрийг өчигдөр /2022.06.03/ битүүмжилж, үйл ажиллагааг нь түр түдгэлзүүлэв. Эдгээр үйлдвэрийн эзэд ямар хүмүүс байдаг талаарх мэдээллийг нээлттэй өгөгдлийн сан /opendata/-г ашиглан хүргэж байна.

  1. Цэлмэг Онгод ХХК / Li Qingshan, Бямбасүрэн Гансэлэм/
  2. Шилүүст Сүмбэр ХХК / Мягмар Ариунболд/
  3. Язгууртны Эзо хүнс ХХК / Онхор Алтансүх, Цэрэнхүү Энхтуяа/
  4. Саян Уул ХХК / Jia Chaoqun/
  5. Дун Фан интернэйшнл ХХК / Yu Yadong, Gao Hongyu, Yu Yaquan/
  6. Үүлэнгөү ХХК / Zhang Qian, Xxx Mailegen, Сугар Мягмархорол/
  7. Натурал грийн фүүдс ХХК / Bao De, Zhang Jianquan, Nagata Norihiro, Tamagawa Hidehiko, Мягмар Бумаюуш/
  8. Цан сан тиан ийн ХХК / Mai Heping/
  9. Тэлмүүн Ану ХХК / Бямбадорж Мөнхжаргал/
  10. Оргинал гүн ХХК / Халзанхүү Чулуунцэцэг/
  11. Өргөө мийт трейд ХХК / Leng Gusi, Dong Xiufen, Wang Heping/
  12. Мон грийн хас ХХК / Xxx Liu Xiaolong/
  13. Актай фүүдстафф ХХК Ирэрц олдоогүй
  14. Жэй Икс Си Эс ХХК / Yin Wenhua, Yin Jiangming, Zhao Hairong/
  15. Эм Ди Си Пи ХХК / Chin Bin, Dong Xiao Zhong/
  16. Монгол Эко Мах ХХК / Мөнх Цагаанбаатар/
  17. ГПДС ХХК / Баточир Должинсүрэн, Ганхуяг Пүрэвжав/
  18. Тэнүүн хүсэл ХХК / Пүрэвжал Баясгаланхүү, Жамбаацэрэн Бөхбямба, Цогтжаргал Гэрэлтод, Нацагдорж Олзод/
  19. Эс Эс Си Монголиа фүүдс ХХК / Jin Yonghe/
  20. БӨЖТ ХХК / Дааданхүү Байгалмаа- Мах, махан бүтээгдэхүүний үйл ажиллагаа явуулдаггүй/

Дээрхээс харахад, 20 аж ахуйн нэгжийн 11 нь хятад эзэнтэй бөгөөд нэг компани /Актай фүүдстафф ХХК/ нь АТГ болон УБЕГ-ын цахимд ямар нэг бүртгэлгүй байв. Мөн БӨЖТ ХХК нь мах махан бүтээгдэхүүн боловсруулах ямар нэг үйл ажиллагааны чиглэлгүй, хүнсний ногоо, газар тариалангийн чиглэлээр үйлчилгээ явуулдаг аж.

Долоо хоногийн өрнийн зурхай /2022.VI.06-2022.VI.12/

/in , , , , , , /by

Хонь

Энэ долоо хоногт аливаа  бүлэг, байгууллага, клуб, буяны байгууллагуудтай дахин холбогдох шаардлага гарна. Та улс төр, гэр бүл, эргэн тойрондоо хэрэгтэй зүйл хийхийн тулд сэтгэл шулуудах хандлагатай байна. Та бусадтай хамтран ажиллаж8 ямар нэгэн асуудлын шийдлийг олох болно. Хэт их өөртөө ачаалал өгснөөр сэтгэл санаагаар унах хандлагатай тул бага ч болов өөртөө цаг гарга. Та нэг дор бүх зүйлийг өөрчилж чадахгүй шүү дээ.

Үхэр

Энэ долоо хоногт маш олон ажил овоорч, амрах зав чөлөөгүй байх бололтой. Түүнээсээ болж хямрах цөөнгүй тохиолдол гарна. Ажил мэргэжил болон гэр бүлийн урт хугацааны төлөвлөгөөгөө дахин сэтгэлдээ бодож, хямрах шинжтэй байна. Гэхдээ энэ бүхний хажуугаар та мөнгө санхүүгээ өөрөөр шийдвэрлэхдээ гарамгай болсон байх болно. Мөнгөнд ухаантай хандана. Та зөв замаа хайж олох хэрэгтэй байна.

Ихэр

Энэ долоо хоногт таны сонирхол хуучнаасаа тэс өөр тийшээ эргэх шинжтэй. Сэтгэл доторхоо уудлан, ертөнцийн мөн чанарын тухай нарийвчлан судалж, жижиг зүйлсэд орших агуу том ухагдахууныг хайх болно. Магадгүй танд матрикс шинж тэмдэг илэрсэн байх. Бидний харж, сонсож, мэдэрч байгаа бүхэн үнэн бодит мэт байгаа нь таны сонирхлыг татна. Өөртөө хангалттай цаг гаргаж судал. Бодлоо өөрчил.

Мэлхий

Энэ долоо хоногт санхүүгээ хэрхэн зөв удирдах талаар болон тэтгэвэрт гарахдаа ашиглах мөнгөний талаар ихэвчлэн бодно. Хадгаламж нээх хэрэгтэйг ухаарна. Ихэнх цаг хугацааг мөнгө санхүүтэй зууралдаж өнгөрөөхөөс гадна дотнын нэгэнтэй муудалцах хандлагатай байна. Магадгүй таны ертөнцөөс хааяа тасрах сонирхолтой байдгаас болох юм. Гэхдээ маргалдаан тийм ч удаан үргэлжлэхгүй. Тэдэнд анхаардаг гэдгээ мэдрүүл.

Арслан

Өнгөрсөн цаг хугацаанд үлдсэн хэн нэгэнтэй дахин холбогдоно. Хуучин хайр, найз, хамтрагч зэрэг байж болно. Таны өдөр тутмын амьдралд санамсаргүй байдлаар орж ирнэ. Гэхдээ хэт их сандрах хэрэггүй. Энэ харилцаа удаан үргэлжлэхгүй л болов уу. Мөн эд хэрэгслийн төрлөөс болж ихээхэн уурлах хандлагатай. Та өөрийн эд хогшилдоо гамтай байхад илүүдэхгүй.

Охин

Ойрын хугацаанд өнгөрсөн дэх өөртөө дүгнэлт хийж, шинэ хүн болох сонголт хийх болно. Өмнө нь хийж байсан муу зуршлуудаа хаях, дуусгаагүй даалгавраа хийж гүйцэлдүүлэх, төлөвлөгөөгөө өөрчлөх гэх мэт шинэ хүн болох замналдаа орно. Хамгийн гол нь амьдралдаа юу хийх ёстойгоо олж илрүүлнэ. Сургалт, боловсролдоо анхаарна.

Жинлүүр

Таны хийсэн үйлдэл болон хэн нэгэнд хүчтэй нөлөөлөх болно. Гэхдээ танаас бага насны хүнд илүү нөлөөлнө. Тиймээс шийдвэр, үйлдэл, хэлж ярих зүйлсээ болгоомжтой сонго. Мөн ирэх саруудад хийх аяллаа төлөвлөж эхэлсэн нь дээр. Учир нь мөнгөө одооноос хадгалахгүй бол аялж чадахгүй байх эрсдэлтэй.

Хилэнц

Гэр орондоо цаг гаргаарай. Хэн нэгэн шинээр тань дээр зочлох төлөвтэй байна. Мөн гэр бүлдээ цаг гаргавал ямар ч муу зүйлс тохиолдохгүй. Учир нь та сүүлийн үед хэтэрхий гаднын хүн мэт зан араншин гэр бүлдээ гаргасан, эсвэл гэрээсээ хол удаан хугацаанд явсан байх. Мөн хамтран ажилладаг хүн, эсвэл хамт сурдаг хүмүүстэйгээ холбоотой байгаарай. Танд тэдний тусламж хэрэг болно.

Нум

Энэ хугацаанд та ямарваа нэгэн харилцаанд ялахын тулд золиос гаргах шаардлагатай болно. Бусадтай эв зүйгээ олохын тулд харилцааны шинэ дадал өөртөө бий болго. Санхүүгийн асуудал тун таагүй харагдаж байна. Зөв зохицуулж чадвал ирэх саруудад өөртөө зориулж маш үнэтэй, эсвэл их зарлагатай зүйл худалдаж авах болно. Мөн өнгөрсөнд үлдсэн хүмүүсийн амьдралд бүү хошуу дүрж, саад хий.

Матар

Энэ долоо хоногт санхүүгээ зохицуулах гэж бага зэрэг стресстэй нүүр тулах нь. Өр зээл, эсвэл ямар нэгэн мөнгөн төлбөр гарч ирнэ. Гэхдээ бүх асуудлыг тун удалгүй шийдэж, ард нь гарах тул сэтгэлээ аль болох тайван байлгах хэрэгтэй. Үүнээс гадна төлөвлөсөн ажил тань нэг л бүтэж өгөхгүй, эсвэл та хиймээргүй санагдаж магадгүй. Бүх зүйлийг түр хойш тавиад, шинэ зүйл турших сонирхолтой байж магад. Тиймээс уян хатан байж сураарай.

Хумх

Өмнө нь хэзээ ч төсөөлөөгүй хүндээ татагдана. Мөн ажлаа цалгардуулах төлөвтэй байна. Та хэн нэгэнд татагдлаа гээд өөрийн үүрэг, хариуцлагаа мартаж болохгүй. Амьдралынхаа гол зорилгоо үргэлж санаж яв. Гэр бүлийнхэн тань таны одоо хийж буй ажлыг үнэлэхгүй байж магад. Гэхдээ шинэ зүйл туршихад хэзээ ч оройтохгүй шүү дээ.

Загас

Томоохон зүйлтэй холбогдож мэднэ. Ажил, бүлгэм зэрэг талбарт ирэх саруудад завгүй байх төлөвтэй байна. Энэ долоо хоногт танд шинэ боломжууд гарч ирж, дотор хүнтэйгээ тэрсэлдэж эхлэх болно. Гэхдээ шийдвэрээ олно. Хэт их алдар нэр, мөнгөний амтад шунаад хэрэггүй. Учир нь хэзээ ч сайн зүйл тохиолдохгүй. Өмнө нь төлөвлөж байсан ажлуудаа мартаж болохгүй. Утсаа үргэлж чагна. Шинэ мэдээ ирнэ.

Зөвхөн өглөө эрт босдог хүмүүсийн л мэдэрдэг 7 МЭДРЭМЖ

/in , , , , , /by

Өглөө эрт босох гэж хичээдэг ч босож чаддаггүй юу? Өглөө босох талаар түмэн зөвлөгөө сонссоноос өглөө л тохиодог гайхалтай мэдрэмжүүдийг мэдээд авчихвал өөрийн эрхгүй босох эрч хүчийг өгөх болно. Өглөө эрт босдог хүмүүсийн л мэдэх нарийн нандин мэдрэмжүүд юу гээч? 

#1 Өглөө эрт босох нь сэтгэл санааг ер бусын сэргээдэг

Өглөө эрт сэрэх нь багагүй тэсвэр тэвчээр шаарддаг. Харин нэгэнт босчихвол хэцүү давааг давсан мэт сэтгэл сэргээд л сайхан мэдрэмж төрдөг дөө? Эрт босоход өглөөг тайван тухтай эхлүүлж, өөртөө цаг гаргадаг тул өдрийн турш сэтгэл өөдрөг, сайхан ааштай байхад ч нөлөөлөх болно. Тиймээс ч өглөө эрт босдог хүмүүс хамгийн өөдрөг, найрсаг байдаг юм шүү.

#2 Том зорилгоо гүйцэлдүүлэх урамтай цаг

Өглөө 1 цагаар эрт босоход л шалгалтандаа бэлтгэх, хэл сурах, дасгал хийх зэргээр гүйцэлдүүлэхийг хүссэн зорилгодоо гаргах цагтай болчихно гэсэн үг. Өдөр бүр тогтмол цагт босч, зорилгынхоо төлөө хичээллэх нь 21 хоногийн дараа дадал болон тогтох болно. Гол нь өглөө бүтээмж өндөр байдаг тул богино хугацаанд ихийг амжуулах ид шидтэй.

#3 Зөвхөн өглөө эрт л мэдэрч болох гайхалтай мэдрэмжүүд бий… 

Үүрээр сэрэхэд бороо орсон байх, зуны өглөө нар мандахыг харах, цонхоо нээтэл цас хаялах… гээд л зөвхөн өглөө эрт босч л мэдрэх боломжтой ер бусын мэдрэмжүүдийг эргэн санацгаая. Эрт босвол нэгийг дуулна гэдэг шиг л зөвхөн өглөө босоод л мэдрэх амьдралын гайхалтай мөчүүдийг бүү алдаарай.

#4 Өглөө эрт босдог хүмүүс илүү их дататай байдаг 

Өглөө босоод иога хийх, цэвэр агаарт гүйж алхангаа дуу подкаст сонсох, онлайн хичээл үзэх гээд л маш олон үр бүтээмжтэй зүйлсийг хийхэд дата хамгийн чухал. Тэгвэл өглөө эрт босдог хүмүүст зориулсан Мобикомын өглөөний дата багц маш хямдхан буюу 1500-3500 төгрөгийн үнэтэйг та мэдэх үү? 15 хоногийн турш өглөөний турш бичлэг үзсэн ч дуусахааргүй 50-150 GB дата гээд бод доо.

#5 Тайван тухтай өглөө – Хамгийн аз жаргалтай мөч 

Хавар зуны дулаахан өглөө өглөөний цайгаа гадаа саравчинд суун таашааж, амтат кофе цай уух сайхан биш гэж үү? Өглөөний цайгаа эртлэн тухтай уух боломж зөвхөн эрт босдог хүмүүст л бий. Өглөө эрт цай ууснаар ходоодны хүчил ялгаралт багасдаг бөгөөд жингээ барих, гуалиг сайхан харагдах болно.

#6 Зөвхөн өглөө эрт босдог хүмүүсийн л олж хүртэж болох олон урамшуулал байдаг 

Өглөө эрт кафе, үйлчилгээний газруудад хүн багатай байдаг тул та өглөөний цагаар төрөл бүрийн урамшуулал авч, дээрээс нь хүн багатай сэлүүхэн орчинд суух боломжтой.

#7 Нам гүм, амар амгалан, онгод төрөх агшин

Өглөө эрт 05:00-07:00 цагийн хооронд босоход нойрноосоо бүрэн сэрж амжаагүй намуухан хот таныг угтах болно. Чимээ аниргүй намуухан орчин эрхгүй амар амгаланг мэдрүүлдэг болохыг эрт босож байж л мэдэрнэ шүү. Өглөө эрт босоод өөрийгөө сэргээхэд ухаан санаа яг л шинэхэн нээсэн дэвтэр шиг байдаг. Бүх зүйл боломжтой, бүгдийг хийж чадах мэт гайхалтай урам зориг төрөх болно.

 

Сургууль, цэцэрлэг, орон сууцны хорооллын гаднах спортын болон тоглоомын талбайг 06:00-22:00 цагт нээлттэй байлгах захирамж гарлаа

/in , , , , , /by

Сургууль, цэцэрлэг болон орон сууцны хорооллын гаднах биеийн тамир спортын талбайг хүүхдүүдэд нээлттэй байлгах тухай Хотын даргын захирамж өнөөдөр гарсан байна.

Захирамжид:

Ерөнхий боловсролын сургууль, цэцэрлэг, орон сууцны хорооллын гадна байрлах биеийн тамир, спортын болон тоглоомын талбай, ногоон байгууламжийг өдөр бүр 06:00-22:00 цагийн хооронд нээлттэй байлгаж, хүүхэд тоглох нөхцөлийг бүрдүүлэхийг сургуулийн захирал, цэцэрлэгийн эрхлэгч, СӨХ-д үүрэг болгожээ.

Түүнчлэн осол, эрсдэлээс сэргийлж биеийн тамир спортын болон тоглоомын талбайн хашаа, хашлага, тоглоомын бүрэн бүтэн байдлыг хангаж, анхааруулга, заавар, зөвлөмж байршуулах ажилд хяналт тавихыг Мэргэжлийн хяналтын байгууллага болон дүүргүүдийн Засаг дарга, нийслэлийн Боловсролын газрын удирдлагуудад даалгасан байна.

​Т.Доржханд: 14 хоног ажиллаад 14 хоног амрах заалт уул уурхайн салбарынхныг хүнд байдалд оруулж байна

/in , , , , , /by

УИХ-ын гишүүн Т.Доржханд болон хуульч, уурхайн ажилчдын төлөөлөл Хөдөлмөрийн тухай хуулиас болж уул уурхайн салбарын ажиллах хүчний том асуудал үүсч байгаа тул энэхүү хуулийг өөрчлөх ёстой талаар мэдээлэл хийлээ.

УИХ-ын гишүүн Т.Доржханд: Монгол Улсын эдийн засаг арван жилийн хугацаанд таг гацчихсан. Өсөлтийг сүүлийн 10-15 жил түлхэж ирсэн уул уурхайн салбар зогсоод байна. Учир нь энэ салбар ажиллах хүчний дутагдалд орсон. Хөдөлмөрийн тухай хуулийг олон жилийн дараа шинэчлэн баталлаа гэж том мэдэгдлүүдийг хийсэн. Гэтэл он гарснаас хойш бодит байдал дээр уул уурхайн салбарт ажилладаг ажилчдын эрх ашиг хөндөгдөж байна. Өөрөөр хэлбэл, 14 хоног ажиллаж, 14 хоног амардаг зохицуулалтад шилжсэн. Үүний үр дүнд залуучуудын орлого буурч, бүтээн байгуулалт хийж байгаа компаниудын үйл ажиллагаа доголдож, гурван ээлжээр ажилладаг байсан бол дөрвөн ээлжээр ажилладаг болсон. Цаашлаад хилээ нээж эдийн засгийн асуудлаа шийдэх гэхээр уурхайнууд нь бүрэн хүчин чадлаараа ажилахгүй, ажилчдын дутагдалд орж байна. Шалтгаан нь шинэчлэн баталсан Хөдөлмөрийн хуулиас болсон. Уул уурхайн салбар ажиллаж чадахгүй тохиолдол долларгүй, ханш алдаж, инфляц өсөх болно. Үр дүнд нь эдийн засаг буцаж богцлогдох гээд байна. Үүний цаад талд залуучуудын орлого буурч, нийгмийн асуудал тулгарч ажилгүйдэл ядуурал үүсэх гээд байна. Тиймээс Хөдөлмөрийн тухай хуульд өөрчлөлт оруулж, уул уурхайн салбарт ажилладаг залуусын асуудлыг шийдэх хэрэгтэй байна. Мөн экспортоо хурдан шийдэхийг хүсэж байвал зөвхөн боомтын асуудлыг биш уул уурхайн салбарт ажиллах боломжийг нэмэх хэрэгтэй.

ГУРВАН НАСТАЙ ХҮҮХДҮҮДИЙН 90 ОРЧИМ ХУВИЙГ ЦЭЦЭРЛЭГТ ХАМРУУЛНА

/in , , , /by

Засгийн газрын ээлжит хуралдаан 2022 оны тавдугаар сарын 31-нд болж дараах асуудлуудыг хэлэлцэн шийдвэрлэлээ.

Цэцэрлэгийн хүртээмжийг нэмэгдүүлэх чиглэлээр 2022-2023 оны хичээлийн жилд дараах арга хэмжээнүүдийг авч хэрэгжүүлнэ

Нийслэл Улаанбаатар хотын нутаг дэвсгэрт хүүхдийн цэцэрлэгийн хүртээмжийг нэмэгдүүлэх чиглэлээр 2022-2023 оны хичээлийн жилээс дараах арга хэмжээнүүдийг авч хэрэгжүүлнэ.

Сургуулийн өмнөх боловсролд хамрагдах насны хүүхдийн тоо, цэцэрлэгийн барилгын хүчин чадал, анги танхимын багтаамж, өрхийн мэдээллийн сан, гэр цэцэрлэг хоорондын зайнд үндэслэн өмчийн хэлбэр харгалзахгүйгээр нийслэлийн хүүхдийн цэцэрлэгийн хамран сургах тойрог тогтооход баримтлах аргачлал баталж, цэцэрлэгийн хамран сургах тойргийг шинээр тогтоон, 2022-2023 оны хичээлийн жилээс эхлэн мөрдөнө.

Цэцэрлэгийн хүртээмж багатай зарим дүүрэг, хороодын нутаг дэвсгэрт үйл ажиллагаа явуулж буй хувийн хэвшлийн цэцэрлэгийн барилгын сул орон зайд хамран сургах тойргийн цэцэрлэгт хамрагдаж чадаагүй хүүхдүүдээс нэмэлт элсэлт зохион байгуулах, тавигдах шалгуур, шаардлага хангасан тохиолдолд хувийн хэвшлийн цэцэрлэгүүдэд хувьсах зардлыг хоёр дахин нэмэгдүүлэн тооцож, хоолны зардлын хамт санхүүжүүлэхээр шийдвэрлэлээ.

Нийслэлийн хэмжээнд цэцэрлэгийн зориулалтаар иргэн, аж ахуйн нэгжээс барилга түрээслэх, худалдан авахад баримтлах үнийн жишиг тарифыг судалж шийдвэрлэхийг үүрэг болголоо.

Түүнчлэн ачаалал өндөртэй, төвийн дэд бүтцээс алслагдсан зарим дүүрэг, хороонд орчин үеийн технологи ашигласан гэр цэцэрлэг байгуулах асуудлыг судлан шийдвэрлэх, нийслэлд шинээр баригдах хотхон, хорооллын барилга байгууламжийн төлөвлөлтөд цэцэрлэгийн барилгын зураг төсөл, техник эдийн засгийн үндэслэлийг заавал тусгах талаарх барилгын норм, дүрэмд заасан шаардлагыг мөрдүүлэх, өмнө ашиглалтад орсон хотхон, хорооллын орон сууцны барилгын нэгдүгээр давхрыг цэцэрлэгийн зориулалтаар барилгын холбогдох норм дүрийн дагуу засварлан тоноглож эрх бүхий мэргэжлийн байгууллагын комисс хүлээн авдаг зохицуулалт хийж, хяналт тавих, байгууллагын цэцэрлэг ажиллуулах санаачилгыг дэмжих зэрэг арга хэмжээ авна.

Нийслэлийн цэцэрлэгийн хүртээмжийг сайжруулах эдгээр арга хэмжээг хэрэгжүүлэхэд 1000 орчим бүлгийн багш дутагдах судалгаа байна. Багшийг хөрвөх сургалтаар нэмж бэлтгэх, оюутан ажиллангаа суралцах боломж бүрдүүлэх, багшийг давтан бэлтгэх зэрэг ажлыг шуурхай зохион байгуулна. Цаашид сургуулийн өмнөх боловсролын багш мэргэжлээр суралцах оюутны сургалтын төлбөрийг төрөөс хариуцан санхүүжүүлэх асуудлыг судлан Засгийн газрын хуралдаанд танилцуулахыг үүрэг болголоо.

2022-2023 оны хичээлийн жилд нийслэлд сургуулийн өмнөх насны 141 мянган хүүхэд байгаагаас 106 мянган хүүхдийг төрийн болон хувийн өмчийн цэцэрлэгт хамруулах боломжтой, 34 мянган хүүхэд цэцэрлэггүй үлдэх эрсдэлтэй байна. Засгийн газрын өнөөдрийн хуралдаанаар шийдвэрлэсэн эдгээр арга хэмжээг авч хэрэгжүүлснээр цэцэрлэггүй үлдэх эрсдэлтэй 34 мянган хүүхдийг цэцэрлэгт нэмж хамруулна, сугалаагүй элсэх боломж бүрдэнэ, хоёр болон гурван настай нийт хүүхдийн 80-90 хувийг цэцэрлэгт хамруулна гэж тооцож байна.

Өмнийн говийн хөгжлийн зөвлөл байгууллаа

 Монгол Улсын Ерөнхий сайд Л.Оюун-Эрдэнэ Өмнөговь аймагт ажилласан талаар Засгийн газрын хуралдаанд танилцуулж, тус аймагт ажиллахдаа өгсөн үүрэг, чиглэлийг хэрэгжүүлэх арга хэмжээний төлөвлөгөө батлан, хэрэгжилтэд нь хяналт тавьж ажиллахыг Монгол Улсын сайд, ЗГХЭГ-ын дарга Ц.Нямдоржид даалгалаа.

Мөн Ерөнхий сайдын захирамжаар Өмнийн говийн хөгжлийн зөвлөл байгуулахаар шийдвэрлэлээ.

Тус зөвлөлийн анхны хуралдаанаар “Цагаан дэл уул-Өлзий” автозамын боомт байгуулах тухай Засгийн газрын 2014 оны шийдвэрийг түдгэлзүүлсэн талаар ярилцах нь зүйтэй гэжээ.

Монгол Улсын Засгийн газрын “Хилийн боомтын талаар авах арга хэмжээний тухай” 2014 оны 246 дугаар тогтоолоор “Цагаан дэл уул-Өлзий” байнгын ажиллагаатай автозмын замын боомт байгуулахаар шийдвэрлэсэн. Гэвч Өмнөговь аймгийн Ханхонгор, Хүрмэн, Номгон сумын малчид, иргэд хилийн боомт хүртлэх автозам тавигдсанаар зам дагуух ашиглалтын зөвшөөрөлтэй уурхайнууд нээгдэж, улмаар говийн унаган байгалийн экосистемийг алдагдуулах, ховор ан амьтны байршилгүй болох, бэлчээр хомсдох зэрэг сөрөг нөлөөлөл үүснэ хэмээн эсэргүүцэл илэрхийлж буй юм.

 Мах, махан бүтээгдэхүүн экспортолдог “Эм Ди Си Пи” ХХК-ийн үйлдвэрийн үйл ажиллагаа эрхлэх зөвшөөрлийг цуцалжээ

 Мах, махан бүтээгдэхүүний экспортын өнөөгийн байдал, цаашид авах арга хэмжээний талаар Засгийн газрын хуралдаанд танилцууллаа.

Иргэдийн гомдлын дагуу энэ тавдугаар сарын 10-нд Сонгинохайрхан дүүргийн Эмээлтэд байрлах “Эм Ди Си Пи” ХХК-ийн үйлдвэрийн орчин, түүхий эд хүлээн авах, мах боловсруулах технологи ажиллагаанд хяналт шалгалт хийж, үйл ажиллагаа эрхлэх зөвшөөрлийг нь цуцалсан байна. Тус компанийн бүтээгдэхүүн зөвхөн экспортод гардаг юм байна.

Мөн хурлаар Монгол Улсын Шадар сайдаар ахлуулсан мах, махан бүтээгдэхүүний үйлдвэрлэл, экспортын өнөөгийн байдалд  хяналт, шинжилгээ, үнэлгээ хийж, махны нийлүүлэлтийн сүлжээний хяналтын тогтолцоог сайжруулахад чиглэсэн арга хэмжээний санал боловсруулж, танилцуулах үүрэг бүхий Ажлын хэсэг байгууллаа.

Эмээлтэд үйл ажиллагаа явуулдаг  болон экспортын тусгай зөвшөөрөлтэй аж ахуйн нэгж, цаашлаад хүнсний ижил төрлийн үйл ажиллагаа явуулдаг байгууллагуудад шат дараатай хяналт шалгалт хийж, эрүүл ахуй, хүнсний аюулгүй байдлын улсын стандарт, норм дүрмийг сахиулж ажиллах, шалгалтын дүнг Засгийн газрын хуралдаанд танилцуулахыг үүрэг болголоо.

Мах, махан бүтээгдэхүүний нийт экспортын 92 хувийг БНХАУ эзэлдэг бөгөөд сүүлийн гурван жилийн хугацаанд адууны хөлдөөсөн мах болон дулааны аргаар боловсруулсан үхэр, хонь, ямааны махан бүтээгдэхүүн 106 мянган тонныг экспортолжээ.

Монгол Улсын Шадар сайд С.Амарсайхан “Хүний эрүүл мэнд, амь нас, байгаль орчинд шууд хор хөнөөл учруулахуйц эрсдэлтэй салбарууд болох хүнс, эрүүл мэнд, барилга, зам дэд бүтцийн хяналтыг ямар ч тохиолдолд сулруулж болохгүй. Монгол Улсын экспортын мах, махан бүтээгдэхүүн ийм түвшинд байгаа нь нэг талаас монголчууд бидний нэр хүнд, нөгөө талаас хүний эрүүл мэнд, амь нас, аюулгүй байдалтай шууд холбоотой, ноцтой асуудал гэдгийг онцгой анхаарч ажиллах ёстой” гэж мэдээлэл хийхдээ хэллээ.

 Товч мэдээ

·      Коронавирусын халдвараас урьдчилан сэргийлэх, экспорт, импортын тээвэрлэлтийн үйл ажиллагааг тасалдуулахгүй, хэвийн үргэлжлүүлэх зорилгоор Дорноговь аймгийн Замын-Үүд хилийн боомтод Засгийн газрын 2022 оны 27 дугаар тогтоолоор тогтоосон тусгай горимын хугацааг 2022 оны есдүгээр сарын 1-ний өдөр хүртэл сунгалаа.

·      Нийтийн мэдээллийн дэд бүтэц, төрийн цахим үйл ажиллагаанд хамаарах цахим төсөл, хөтөлбөр, арга хэмжээний нэгдсэн бүртгэл хөтлөх журмыг баталлаа.

·      Дотоодын цэргийн тухай хуульд нэмэлт, өөрчлөлт оруулах тухай хуулийн төсөл болон дагалдан боловсруулсан хуулийн төслүүдийг хэлэлцээд УИХ-д өргөн мэдүүлэхээр тогтлоо.

·      Дотоодын цэргийн 805 дугаар ангийг хошууч генерал Алтангэрэлийн Думбарайн нэрэмжит болголоо.

 Эх сурвалж: Засгийн газрын Хэвлэл мэдээлэл, олон нийттэй харилцах газар

​С.Амарсайхан: Эмээлтэд 17 махны үйлдвэрийн үйл ажиллагааг түр зогсоосон

/in , , , , /by

Эмээлт дахь мах боловсруулах үйлдвэрүүдийн асуудлаар Шадар сайд С.Амарсайхан болон бусад холбогдох төрийн байгууллагынхан мэдээлэл өглөө. Одоогийн байдлаар Монгол Улсад 60 ААН мах экспортлох эрхтэй ажилладаг байна. Үүнээс 32 ААН нь Эмээлтэд үйл ажиллагаагаа явуулдаг аж.

Энэ талаар Шадар сайд С.Амарсайхан “Монгол Улсад 60 ААН мах экспортлох эрхтэй байдгаас 15 нь дулааны аргаар мах боловсруулдаг. МХЕГ-аас төлөвлөгөөт бус хяналт шалгалтуудыг тавдугаар сарын 15-аас хийж эхэлсэн. Өнөөдрийн байдлаар Эмээлтийн 32 үйлдвэрийг шалгаж 17-ынх нь үйл ажиллагааг зогсоосон. Хяналт шалгалт үргэлжилж байна.

Мөн 14 хоногийн хугацаанд дулааны аргаар мах боловсруулдаг үйлдвэрүүдийн үйл ажиллагааг зогсоож эрсдэлийн үнэлгээ хийх, шаардлагатай стандартад нийцэж байгаа эсэхийг тогтооно. Эрүүл ахуйн шаардлага, стандартыг хангаж байгаа бол үйл ажиллагааг цааш нь үргэлжлүүлнэ. Шаардлага хангахгүй бол хууль журмын хүрээнд хариуцлага тооцож, стандартыг хангуулах арга хэмжээ авна” гэлээ.

Үүний дараа сэтгүүлчдийн асуултад хариуллаа.

-Бүхэл бүтэн төр байж хэдхэн сэтгүүлчийн олж чадаж байгаа энэ мэдээллийг МХЕГ мэдээгүй явж байсан юм уу. Энэ мах хүүхдийн хоолонд ороогүй гэх баталгаа байна уу. Хүүхдийн хоолыг шалгаж байна уу?

Шадар сайд С.Амарсайхан: МХЕГ тавдугаар сарын 15-аас хяналт шалгалт хийж эхэлсэн. Тодорхой арга хэмжээг авч, хяналт тавьж ажиллаж байгаа. Эмээлт дахь мах боловсруулах үйлдвэрийн асуудал олон жил яригдаж байна. Тиймээс одоо хатуу зохион байгуулалт дунд эцэслэн шийднэ. Асуудал их, хариуцлага дутуу байгаа учир ШӨХТГ, МХЕГ-ын удирдлагуудыг сольсон. Энэ хүрээнд шинэ төлөвлөгөө гаргаж хууль журмын хүрээнд иргэдэд дарамтгүйгээр явуулна. Энэ бол өнөөдөр л яригдаж байгаа асуудал биш гэдгийг хэлье.

Сургууль цэцэрлэгийн хүнсний аюулгүй байдалтай холбоотой асуудлаас гадна нийт хүн амд шаардлага хангаагүй мах нийлүүлсэн эсэхэд бид мэдээлэл авч байгаа. МХЕГ-аас шаардлага хангаагүй мах дотоодын хүнсний үйлдвэрлэлд ашиглагдахгүй байгааг баталгаатай хэлсэн.

-Шалгалт хийнэ гээд зарлачихаар юу ч илрүүлж чадахгүй юм биш үү?

Шадар сайд С.Амарсайхан: Өмнө нь шалгаж байна гээд л орхигддог асуудал байсан. Энэ удаад олон нийтийн хяналтыг давхар тавина.

Б.Болдсайхан эмч Говь-Алтай аймгийн хүндэт иргэн боллоо

/in , , , , /by

Говь-Алтай аймгийн Засаг дарга О.Амгаланбаатар Монгол Улсын хүний гавьяат эмч Б.Болдсайханд “Аймгийн хүндэт иргэн” цол тэмдгийг гардууллаа.

“Бундан”, “Хязгаараас чинад”, “Зүрх мартахгүй” төслийн баг хамт олон энэ өдрүүдэд аймгийн бүх сумд, Ховд аймгийн урд бүсийн сумд, Өвөрхангай аймгийн зарим сумдад ажиллаж, эрүүл мэндийн үзлэг оношилгоо хийж байгаа билээ.

Тус багийнхан тавдугаар сарын 31-нд Есөнбулаг сум, зургаадугаар сарын 1-нд Тайшир, Шарга, Халиун, Дэлгэр сумдын хүүхдүүдийг аймгийн Нэгдсэн эмнэлэгт хүлээн авч үзлэг хийсэн юм.

Өчигдрийн үзлэгийн өмнө аймгийн Засаг дарга О.Амгаланбаатар Монгол Улсын Хүний гавьяат эмч, Төгрөг сумын уугуул Бундангийн Болдсайханыг хүлээн авч уулзаж, “Хүндэт иргэн” шагналыг гардууллаа.

​Хот хоорондын автобусаар зорчих тасалбарын үнэ нэмэгджээ

/in , , , , , /by

Хот хоорондын нийтийн зорчигч тээврийн үнэ тарифыг 2022 оны зургадугаар сарын 1-ээс нэмэгдүүлж байгаа талаар Авто тээврийн үндэсний төвөөс мэдээллээ.

Тодруулбал, Зам, тээврийн хөгжлийн сайдын 2019 оны 374 дугаар тушаалаар 1 хүн км өртгийг 60-75 төг байхаар тогтоосон байдаг. Уг жишиг тарифыг тогтоохдоо тухайн үеийн 1 литр түлш 2430 төгрөг байхад тогтоож байсан аж. Тэгвэл өнөөдрөөс мөрдөх үнэ тариф нь тухайн жишиг тарифын хүрээнд дээд хязгаарт хүргэж байгаа болно гэх тайлбарыг АТҮТ-өөс гаргасан байна.

Хот хоорондын нийтийн зорчигч тээврийн үнэ ингэж нэмэгджээ.

Олон улсын уралдаан тэмцээнд амжилт гаргасан хүүхдүүдэд ‘Хүүхдийн фонд’-оос шагналаа

/in , , , /by

Монгол Улсын Ерөнхий сайд, Хүүхдийн төлөө үндэсний зөвлөлийн тэргүүн Л.Оюун-Эрдэнэ өнөөдөр олон улсын уралдаан тэмцээнд өндөр амжилт үзүүлсэн хүүхдүүдэд “Хүүхдийн төлөө сан”-аас мөнгөн шагнал, батламж гардууллаа.

Тухайлбал, АНУ-ын Нью-Йорк хотноо зохион байгуулагдсан, 200 гаруй орны хүүхдүүд оролцсон “Кришендо” өсвөрийн хөгжимчдийн олон улсын уралдаан, Ази тивийн аварга шалгаруулах шатрын тэмцээн, Ливан улсын Бэйрут хотод болсон Жүдо бөхийн өсвөр, залуучуудын Ази номхон далайн орнуудын ази тивийн аварга шалгаруулах тэмцээн зэрэгт Монгол Улсаа төлөөлөн амжилттай оролцон шагналт байр эзэлсэн 30 хүүхдэд мөнгөн шагнал, батламж гардуулсан юм.