Хүүхдийн тэтгэмж эцэг, эхийн орлогын 50-иас доошгүй хувь байх, данснаас нь шууд суутгахаар зохицуулна

/in , , , , /by

УИХ дахь эмэгтэй гишүүдийн бүлэг “Гэр бүлийн тухай хууль”-д нэмэлт өөрчлөлт оруулах тухай хуулийн төслийг УИХ-ын даргад өргөн барилаа. Үүнтэй холбогдуулан хуулийн төслийн талаар мэдээлэл хийж байна.

УИХ-ын гишүүн Ч.Ундрам “УИХ дахь эмэгтэй гишүүд нийлж Гэр бүлийн тухай хуульд нэмэлт өөрчлөлтийн хуулийн төслийг өргөн барилаа. Гэр бүлийн тухай хууль анх 1973 онд батлагдаж байсан бөгөөд 1999 онд шинэчлэн найруулсан. Үүнээс хойш дорвитой өөрчлөлт ороогүй. Тэгвэл энэ удаагийн хуулийн төслийн гол өөрчлөлт нь хүүхэд хамгааллын асуудал. Жилд 3391 гэр бүл салдаг гэсэн судалгаа бий. Иймээс гэр бүл салалтын хамгийн том хохирогч нь хүүхэд. Сүүлийн жилүүдэд гэр бүл салалт нэг хувиар нэмэгдэж байгаа. Иймээс тус хуулийн төсөлд гэр бүл салалтын дараах хүүхдийн тэтгэмжийн асуудлыг тусгаж өгсөн. Тодруулбал тэтгэмжийн хэмжээ болон төлөлтийн асуудалд онцгойлон анхаарал хандуулсан.

Тэтгэмжийн хувьд 11 хүртэлх насны хүүхдийг амьдралын баталгаажих түвшний 51 хувиар тооцож олгодог. Ингэхээр өнөөдөр 11 нас хүрээгүй хүүхдийн тэтгэмж сард 115,000 төгрөг. Энэ бол маш бага, хангалтгүй. Тиймээс тэтгэмжийн хэмжээг тогтоохдоо орлоготой нь уялдуулах, ХАОАТ-ын хуульд заасны дагуу орлогын 50-аас доошгүй хувь гэдэг байдлаар тогтооё гэсэн заалтыг оруулж өгсөн.

Мөн хүүхэд хүндээр өвдсөн, хөгжлийн бэрхшээлтэй болсон тохиолдолд дахиж шинжээчдийн баг томилж, тэтгэмж төлөгчтэй хамтран төлөх зохицуулалтыг оруулсан.

Өнөөдөр тэтгэмж төлөлт маш бага байна. Нийт тэтгэмж төлөх ёстой хүмүүсийн зөвхөн 20 хувь төлж байна. Үлдсэн 80 хувь нь шүүхээр тогтоосон хүүхдийн тэтгэмжээ төлөхгүй байна. Өнөөдрийн байдлаар 34 тэрбум төгрөг төлөгдөөгүй хуримтлагдсан байна. Тийм учраас тогтоосон тэтгэмжийг данснаас нь суутгаж авах зохицуулалтыг хуулийн төсөлд оруулж өгсөн” гэлээ.

ЗУРГАДУГААР САРЫН 1-НЭЭС ИХЭНХ НУТГААР ДУУ ЦАХИЛГААНТАЙ, ААДАР БОРОО ОРНО

/in , , , , /by

Ойрын хоёр хоногтоо ихэнх нутгаар өдөртөө дулаарна гэж Цаг уур, орчны шинжилгээний газраас мэдээллээ.

– Маргаашийн 20:00 цаг хүртэлх цаг агаарын урьдчилсан мэдээ –

Хур тунадас: Ихэнх нутгаар солигдмол үүлтэй. Шөнөдөө төвийн аймгуудын нутгийн зарим газар, говийн аймгуудын нутгийн зүүн хэсгээр, өдөртөө баруун аймгуудын нутгийн баруун, говийн аймгуудын нутгийн зүүн хэсгээр бороо, дуу цахилгаантай аадар бороо орно. Бусад нутгаар бороо орохгүй.

Салхи: Нутгийн зүүн өмнөд хэсгээр баруун өмнөөс баруун хойш эргэж, бусад нутгаар баруун хойноос секундэд 5-10 метр, борооны өмнө түр зуур ширүүснэ.

Агаарын температур: Шөнөдөө Хангай, Хөвсгөлийн уулархаг нутаг, Хүрэнбэлчир орчим, Туул, Тэрэлж голын хөндийгөөр 2 градус хүйтнээс 3 градус дулаан, Их нууруудын хотгор болон говийн бүс нутгийн баруун өмнөд хэсгээр 13-18 градус, говийн бүс нутгийн зүүн хэсгээр 8-13 градус, бусад нутгаар 3-8 градус дулаан, өдөртөө Монгол-Алтай, Хангай, Хөвсгөл, Хэнтийн уулархаг нутаг, Дорнод, Дарьгангын тал нутаг, Тэрэлж, Халх голын хөндийгөөр 15-20 градус, Их нууруудын хотгор болон говийн бүс нутгийн баруун өмнөд хэсгээр 26-31 градус, бусад нутгаар 19-24 градус дулаан байна.

УЛААНБААТАР ХОТ ОРЧМООР: Шөнөдөө үүлшиж, бага зэргийн бороо орно. Өдөртөө үүл багасаж, бороо орохгүй. Салхи баруун өмнөөс хойш эргэж секундэд 6-11 метр. Шөнөдөө Яармаг-Сонгины орчмоор 1-3 градус, бусад хэсгээр 5-7 градус, өдөртөө 19-21 градус дулаан байна.

БАГАНУУР ОРЧМООР: Шөнөдөө үүлшинэ, өдөртөө үүл багасна. Бороо орохгүй. Салхи баруун хойноос секундэд 7-12 метр. Шөнөдөө 1-3 градус, өдөртөө 18-20 градус дулаан байна.

ТЭРЭЛЖ ОРЧМООР: Шөнөдөө үүлшинэ, өдөртөө үүл багасна. Бороо орохгүй. Салхи баруун хойноос секундэд 6-11 метр. Шөнөдөө 0-2 градус, өдөртөө 17-19 градус дулаан байна.

Энэ сарын

  • 1-нд баруун аймгуудын нутгийн баруун болон хойд, төвийн аймгуудын нутгийн баруун хойд хэсгээр,
  • 2-нд баруун болон төвийн аймгуудын нутгийн зарим газар, зүүн аймгуудын нутгийн баруун хойд хэсгээр,
  • 3-нд төвийн аймгуудын нутгийн зарим газар, зүүн аймгуудын нутгийн хойд хэсгээр,
  • 4-нд төвийн аймгуудын нутгийн зүүн хэсэг, зүүн аймгуудын ихэнх нутгаар бороо, дуу цахилгаантай аадар бороо орно.

Салхи ихэнх нутгаар секундэд 5-10 метр, борооны өмнө түр зуур ширүүснэ. Нутгийн өмнөд хэсгээр халж, Хангай, Хөвсгөл, Хэнтийн уулархаг нутаг, Байдраг, Эг, Үүр, Туул, Тэрэлж голын хөндийгөөр шөнөдөө 1 градус хүйтнээс 4 градус дулаан, өдөртөө 13-18 градус, говийн бүс нутгийн өмнөд хэсгээр шөнөдөө 15-20 градус, өдөртөө 31-36 градус, Их нууруудын хотгор, говийн бүс нутгийн хойд хэсгээр шөнөдөө 10-15 градус, өдөртөө 25-30 градус, бусад нутгаар шөнөдөө 5-10 градус, өдөртөө 19-24 градус дулаан байна. 3-нд нутгийн хойд хэсгээр, 4-нд нутгийн зүүн хагаст сэрүүснэ.

Зургаадугаар сарын 1, 14-ний өдрүүдэд бүх нийтээр амарна

/in , , , , /by

Лхагва гараг буюу зургаадугаар сарын 1-нд Олон Улсын хүүхдийн эрхийг хамгаалах өдөр тохиодог учир энэ өдөр хуулийн дагуу бүх нийтээр амарна. 

Мөн зургаадугаар сарын 14-нд бурхан багшийн их дүйчин өдөр тохиож байгаа юм. Тиймээс мөн энэ өдөр мөн бүх нийтээр амарна.

Ирэх зургаадугаар сард хоёр удаа бүх нийтийн амралтын өдөр тохиож байна.

Шүүхээс Ё.Баатарбилэг, Х.Ганхуяг нарыг хилээр гарахыг хориглолоо

/in , , , , /by

УИХ-ын гишүүн Ё.Баатарбилэг, Х.Ганхуяг нарын Хөгжлийн банкны хэргийг Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхээр хэлэлцжээ. 

УИХ-ын гишүүн Ё.Баатарбилэгт Монгол Улсын хилээр гарахыг хязгаарлах, хязгаарлалт тогтоох таслан сэргийлэх арга хэмжээ авсан байна. Харин УИХ-ын гишүүн Х.Ганхуягт Монгол Улсын хилээр гарахыг хязгаарлах, хязгаарлалт тогтоох болон нэр бүхий хэргийн оролцогч нартай уулзахыг хориглох хязгаарлалт тогтоох таслан сэргийлэх арга хэмжээ авсан аж. 

Тодруулбал, Нийслэлийн Прокурорын газраас яллагдагч Ё.Баатарбилэгийг Эрүүгийн хуулийн тусгай ангийн 22.4 дүгээр зүйлийн 6, 22.10 дугаар зүйлийн 2 дахь хэсэгт заасан гэмт хэрэгт яллагдагчаар татаж, Эрүүгийн хэрэг хянан шийдвэрлэх тухай хуулийн 14.5 дугаар зүйлийн 1 дэх хэсэгт заасан үндэслэлээр Монгол Улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авах санал ирүүлжээ. Үүнийг Сүхбаатар дүүргийн Эрүүгийн хэргийн анхан шатны шүүх хүлээн авч, хянан хэлэлцээд прокурорын санал үндэслэлтэй байх тул яллагдагч Ё.Баатарбилэгт Монгол Улсын хилээр гарахыг хязгаарлах, хязгаарлалт тогтоох таслан сэргийлэх арга хэмжээ авч шийдвэрлэсэн байна. 

Мөн Нийслэлийн Прокурорын газраас яллагдагч Х.Ганхуягыг Эрүүгийн хуулийн тусгай ангийн 22.1 дүгээр зүйлийн 2 дахь хэсэгт заасан гэмт хэрэгт яллагдагчаар татаж, Эрүүгийн хэрэг хянан шийдвэрлэх тухай хуулийн 14.5 дугаар зүйлийн 1 дэх хэсэгт заасан үндэслэлээр Монгол улсын хилээр гарахыг хязгаарлах хязгаарлалт тогтоох таслан сэргийлэх арга хэмжээ авах санал ирүүлсэн байна. Сүхбаатар дүүргийн Эрүүгийн хэргийн анхан шатны шүүх тус саналыг хүлээн авч, хянан хэлэлцээд прокурорын санал үндэслэлтэй байх тул яллагдагч Х.Ганхуягт Монгол Улсын хилээр гарахыг хязгаарлах, хязгаарлалт тогтоох болон нэр бүхий хэргийн оролцогч нартай уулзахыг хориглох хязгаарлалт тогтоох таслан сэргийлэх арга хэмжээ тус тус авч шийдвэрлэв.

Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн Тамгын газар

Э.Содномпилжээ дэлхийн аварга болж, дэлхийн дээд амжилтыг шинэчиллээ

/in , , , , /by

Казахстаны Алмата хотод пауэрлифтингийн IPF холбооны хэвтээ шахалтын ДАШТ энэ сарын 21-29-нд болж өндөрлөв. Тэмцээнд 48 орны баг тамирчид оролцсон бол манай улсаас гавьяат дасгалжуулагч Д.Баттулгын удирдлага дор 19 тамирчин өрсөлдсөн байна. 

Тэмцээний насанд хүрэгчдийн -120 кг-ын жинд “Токио-2020” паралимпын наадмын аварга, “Рио-2016” паралимпын наадмын хүрэл медальт, Хөдөлмөрийн баатар, гавьяат тамирчин Энхбаярын Содномпилжээ алтан медаль хүртсэн байна. 

Тэрбээр цээжнээс 260 кг-ыг шахсанаар дэлхийн аварга болоод зогсохгүй тус жингийн дэлхийн дээд амжилтыг шинэчлэн тогтоожээ. Үүнээс өмнө 105 кг-ын жинд дэлхийн дээд амжилт эзэмшиж байсан юм.

Энэ амжилт Э.Сомпилжээгийн ДАШТ-ээс авсан зургаа дахь медаль бөгөөд гурван алт, гурван мөнгөн медаль хүртэж байсан юм. 

 

ЭЕШ өгөх хүүхэдтэй эцэг, эхэд өгөх ЗӨВЛӨГӨӨ

/in , , , , /by

 “СИТИ” Их сургуулиас ЭЕШ өгөх хүүхэдтэй эцэг, эхчүүдэд хандан зөвлөгөө гаргажээ. Хичээлдээ анхаарал хандуулж буй хүүхэдтэйгээ хэрхэн хамтран ажиллах талаарх зөвлөгөөг эцэг, эхчүүд та бүхэнд хүргэж байна. Шалгалтад амжилт үзүүлэх нь зөвхөн хүүхдээс бус танаас ч хамаарна гэдгийг тэд анхааруулан зөвлөжээ.

1. Чиглүүл, тусал

Хүүхэдтэйгээ үр дүнтэй зөв яриа өрнүүлж, чиглүүл. Та хүүхдийнхээ сэтгэлзүйд эерэг нөлөө үзүүлж, стресс бухимдлаас хол байлган, цагаа зөв зарцуулахад нь туслаарай.

2. Цагаа удирдахад нь тусал

Математикаа анхаарах, уран зохиолдоо санаа зовох, англи хэлээ давтах, монгол хэлээ судлах, шалгалтад бэлдэх, ирээдүйгээ төлөвлөх гэх мэт ачаалал огцом нэмэгдэнэ. Та тэдэнд туслахын тулд долоо хоног, өдөр, цагаар нь хуваарь гаргаж, үр дүнтэй хичээл давтахад нь чиглүүлээрэй.

3. Дэмж, урамшуул

Хүүхдийнхээ чадаж байгаа зүйлийг чин сэтгэлээсээ дэмжиж, сайхан үгээр урамшуулан магтаарай. “Чиний ирээдүй энэ шалгалтаас хамаарна”, “Хэрвээ чи мөрөөдөлдөө хүрэхийг хүсэж байгаа бол шалгалтаа сайн өгөх ёстой” гэх мэт хөндий, албархаг үгээс зайлсхийж “хамгийн сайнаараа л ажилла”, “Энэ бол зүгээр л шалгалт, миний хүүгийн/охины ирээдүй хичээл зүтгэлээс л шалтгаална” гэх мэт үгсийг ашиглаарай.

4. Хариуцлага бүү үүрүүл 

“Шалгалтад хангалттай оноо авбал” гэх зэргээр ямар нэг зүйл амлах нь тэдэнд том дарамт гэдгийг санаарай. Хангалттай оноо авахгүй байсан ч бид үргэлж дэргэд чинь байна гэдгийг мэдрүүлж, илүү анхаарал хандуулаарай. Мөн өөртөө итгэлтэй, тайван, нухацтай байхыг зөвлөж, хэт их ачаалал, хариуцлага үүрүүлэхгүй байхыг хичээгээрэй.

5. Орчин, нөхцөлийг бүрдүүлж өг

Хэдий та чухал ажилтай байсан ч аль болох хойш тавьж хүүхдийнхээ шалгалтад бэлтгэх орчин нөхцөлийг нь гэртээ бүрдүүлж, шаардлагатай сургалтад хамруулж, зөвлөгөө мэдээлэл өгөх хүмүүстэй холбож, хэрэгцээт зүйлсийг бэлдэж өгөөрэй. 

зураг

6. Баг болж ажилла

Гэр бүлээрээ нэг баг болж хичээл зүтгэлийг нь илүү хурцал. Гэр бүлийн ярилцлага, амт чанартай хоол, дасгал хөдөлгөөнийг хамтдаа хийх нь таны хүүхдэд илүү хүсэл тэмүүлэл өгөх болно. 

7. Анхаарал сарниулах зүйлсээс нь хол байлгаарай

Шалгалтад бэлдэх энэ хариуцлагатай үеэр нь элдэв  дуу хөгжим, дэмий яриа, нэвтрүүлэг, кино, гэх мэт анхаарал сарниулах зүйлээс хүүхдээ хол байлгаарай. 

“Таны хийх ёстой зүйл бол юу таны хүүхдийн хичээлд саад болж байгааг олж тогтоогоод, аль болох түүнээс хол байлгах явдал юм”.

 8. Шалгалтын стратегийн талаар ярилц

Хариултыг хэрхэн бичих, аль асуултыг эхлээд бөглөх, янз бүрийн хэсгүүдийн хооронд цагийг хэрхэн хуваарилах зэргийг хүүхэдтэйгээ ярилцаж, санал бодлоо солилцоорой. 10 хүүхэд тутмын 6 нь стратегиа анхаардаггүй учраас оноогоо алддаг. Тиймээс та хүүхэдтэйгээ суугаад энэ тухай ярилц. Та оюутан байхдаа тест бөглөдөг байсан аргаа ч зааж өгч болно шүү дээ. 

9. Хүүхдээ ажиглаарай

Маш сайн бэлдсэн хүүхэд ч шалгалтын үеэр сандарч, хямардаг. Ямар нэг хэмжээгээр сандарч, санаа зовох нь хэвийн зүйл боловч, хэрвээ хүүхэд “Би энийг хийж чадахгүй нь”, “Би ч бүтэлгүйдэх нь ээ” гэх мэт сөрөг үгсийг хэрэглэж байвал илүү анхаарал хандуулж, ажиглаарай. Санаа зовсноос үүдсэн сэтгэл гутралд орж болзошгүй.  Хоолны дуршил буурах, байнга унтах, цочромтгой, уур уцаартай болох, тэвчээр нь алдагдах гэх мэт тохиолдлууд хүүхэд хэт их стресст орж байгааг илтгэх шинж тэмдгүүд юм. Иймээс анхаараарай! 

10. Эцэст нь

Хүүхэд бүр өөр. Таны хүүхдийг танаас өөр хэн ч мэдэхгүй. Түүний хичээлд туслах нь сайн боловч та бүх зүйлд оролцоод байх шаардлагагүй. 

Хэрвээ таныг хэтэрхий их оролцож байна гэсэн хандлагатай, төвөгшөөсөн байдал үзүүлбэл, илэн далангүй ярилцаж, түүнийг ойлгохыг хичээгээрэй.

М.Лхагвагэрэл цэргийн хурц арслан боллоо

/in , , , , /by

Үндэсний бөхийн цол чимэг олгодог 31 дэх удаагийн “Бүх цэргийн наадам” өчигдөр/2022.05.29/ боллоо. Тус барилдаанд цэрэг, хүчний байгууллагад харьяалагддаг аймаг, цэргийн цолтой болон залуу 256 бөх уран мэх, авхаалж самбаа сорин барилдав. Үүнээс Завхан аймгийн Яруу сумын харьяат, цэргийн арслан М.Лхагвагэрэл найман даван түрүүлж, хурц чимэг нэмж, энэ цагийн аймаг, цэргийн цолтнуудынхаа манлайд эрэмбэлэгдэхээр болсон юм. Харин Архангай аймгийн Тариат сумын харьяат, сумын заан Ө.Батсуурь үзүүрлэж, цэргийн заан цол хүртэв.

Их шөвөгт шалгарсан Увс аймгийн Тэс сумын харьяат, аймгийн заан О.Түмэн цогт чимэг нэмсэн бол Булган аймгийн Сайхан сумын харьяат, цэргийн начин Б.Бат-Эрдэнэ, цэргийн харцага, мөн тав давж шөвгөрсөн Архангай аймгийн Хашаат сумын харьяат, сумын заан С.Сүхбат, Увс аймгийн Тэс сумын харьяат, сумын заан Г.Баянмөнх нар цэргийн начин цол тус тус хүртлээ. Харин дунд шөвгийн наймд үлдсэн аймгийн арслан Б.Түмэндэмбэрэл өрнөх чимэг, аймгийн харцага О.Үйтүмэн өлзийт чимэг тус тус нэмэв.

Ирэх долоо хоногт буюу зургадугаар сарын 04-нд сумын цолтой болон залуу бөхчүүдийн хаалтын барилдаан, зургадугаар сарын 05-нд “Дашваанжил газ” ХХК-ны нэрэмжит “Чингэлтэй хайрханы хишиг” улс, аймгийн алдар цолтой чансаа өндөр 128 бөхийн барилдаан тус тус болно.

МХЕГ: Хүүхдийн бэлгэнд дунджаар 412 гр сахар агуулагддаг тул бэлгээ анхаарч сонгоё

/in , , , , , /by

Мэргэжлийн хяналтын ерөнхий газраас “Олон улсын хүүхдийн эрхийг хамгаалах өдөр”-тэй холбогдуулан сэрэмжүүлэг хүргэж байна. Хүүхдийн бэлгэнд дунджаар 412 гр сахар агуулагдаж буй тул бэлэг сонгохдоо сахарын агууламж багатай бэлэг худалдан авахыг зөвлөв.

Насанд хүрсэн хүний нэг өдрийн сахарын хэрэглээг 25 гр гэж Эрүүл мэндийн яамны зөвлөмжид заасан. Тэгвэл худалдаанд байгаа “Хүүхдийн баяр”-т зориулан багцалсан нэг уут бэлгэнд ойролцоогоор 412 гр сахар агуулагдаж байгаа нь дээрх хэрэглээнээс даруй 16 дахин их юм. Тухайлбал, 1 жүүс, 1 жигнэмэг, 1 шоколад, 3 төрлийн чихэр зэрэг зургаан ширхэг бүтээгдэхүүнтэй уут бэлгэнд энэ хэмжээний сахар агуулагдаж байгаа аж.

Сахарын агууламж өндөртэй хүнсний бүтээгдэхүүнийг нэг дор их хэмжээгээр хэрэглэхэд хүүхдэд цатгалан мэдрэмж төрүүлэн хоолны дуршлыг бууруулдаг. Улмаар шим тэжээллэг хоол хүнс идэхээс дургүйцэх, зөвхөн чихэрлэг хүнсний бүтээгдэхүүнийг идэх дуршилтай болж, шүдний өвчлөлд өртдөг.

Иймд эцэг эхчүүд та бүхэн хүүхэддээ бэлэг сонгохдоо сахарын агууламж өндөртэй хүнсний бүтээгдэхүүн худалдан авахаас аль болох татгалзахыг уриалж байна. Хэрэв Худалдаанаас ууттай бэлэг сонгож буй тохиолдолд уутанд багцалсан хүнсний бүтээгдэхүүний хадгалах хугацаа, чанар, аюулгүй байдал нь алдагдсан эсэхийг шалгаж авахыг зөвлөж байна.

зурхай

Долоо хоногийн өрнийн зурхай 2022.V.30-2022.VI.05

/in , , , , , /by

Хонь

Энэ долоо хоногт таны хайр дурлал болон ажил амьдрал хоорондын тэнцвэрт харьцаа алдагдсан мэт санагдах болно. Хайр дурлалын харилцаа тань онцгой анхаарал шаардаж байхад нөгөө талд ажлын  ачаалал ч их байх нь. Бүтээлч санаа арвин байж, өөрөө өөртөө талархах долоо хоног. Та өөртөө итгэлтэй болж, мөнгө олох шинэ аргыг олох болно.  Энэ долоо хоног хилийн чанад дахь бизнесээ сайжруулахад таатай байна.  Таны хүүхдийн боловсрол, ханийн  эрүүл мэнд бага зэрэг сэтгэл зовооно. Гэр бүлтэйгээ цагаа өнгөрөөхийг зөвлөж байна. Хайртай хүмүүс харилцаагаа шинэ түвшинд ахиулна. Хэт их стресстэх хэрэггүй, цаг хугацаа танд аз жаргалыг бэлэглэнэ.

Үхэр

Долоо хоногийн эхээр танд таагүй мэдрэмж төрж, аз жаргалгүй болсон мэт санагдана. Бодол санаа, үг яриагаа хянахыг танд зөвлөж байна.  Хатуу ширүүн үгээ хянаагүйн улмаас  гэр бүлтэйгээ асуудал үүсгэж болзошгүй. Түрэмгий зан таньд тус болохгүй. Санхүүгийн бэрхшээл тулгарч магадгүй. Хайртай хүмүүс анхаарал болгоомжтой байж, хэрүүл маргаанаас зайлсхийх хэрэгтэй.  Долоо хоногийн дундуур бүх зүйл аажмаар хяналтанд орно. Та шаргуу ажилласнаар үр шимийг нь хүртэж, маш их сэтгэл ханамжтай байх болно.

Ихэр

Энэ долоо хоногт нэлээн завгүй бөгөөд эерэг өдрүүд үргэлжлэх болно. Ирээдүйд тохиох сайн сайхан зүйлсийнхээ төлөө та олон шийдвэр гаргах ёстой болох нь. Шийдвэр тань ч амжилт дагуулах нь дамжиггүй.  Удахгүй таны орлогын эх үүсвэр нэмэгдэнэ. Таны манлайллын гайхалтай чанаруудаар баг хамт олон тань бахархана. Ажил ихтэй байх тул гэр бүлдээ цаг гаргаж чадахгүй байх магадлалтай. Гэхдээ санаа зовох хэрэггүй, тэд таныг ойлгож, дэмжинэ.  Та буяны ажилд тодорхой хэмжээний хандив өгөх болно. Мөн залуу хосууд бүл нэмэх тухай сайн мэдээ дуулж магадгүй.

Мэлхий

Энэ долоо хоногт бодож, төлөвлөж, таамаглаж байсан зүйлс биелэнэ.  Танд итгэдэггүй, таныг дутуу үнэлдэг байсан хүмүүсээс та маш их талархлыг хүлээн авах болно. Хувиа бодсон бус зөв харилцааг бий болгоход анхаарлаа хандуул. Харилцааны ур чадвараа сайжруулахын төлөө ажилла. Шийдвэр гаргах, манлайлах ур чадвар тань энэ долоо хоногт маш эерэг үр дүнг авчрах болно. Хайр дурлалын амьдрал тань энэ долоо хоногт цэцэглэн хөгжинө. Та хайртай хүнтэйгээ цагийг маш дулаахан, тав тухтай өнгөрүүлэх болно.

Арслан

Долоо хоногийн эхээр таны хүлээж байсан боломжууд гарт орж ирнэ. Энэ долоо хоногт ямар нэгэн хэрүүл маргаан үүсгэхээс зайлсхий. Тэр байтугай таныг буруу замаар уруу татдаг танил талуудтайгаа тааралдахаас зайлсхий. Сарны шилжилтийн улмаас гэнэтийн үйл явдлууд тохиолдох болно. Та аз жаргалтай байснаар хамгийн хайртай хүмүүстээ ч аз жаргалыг түгээж, амьдралынхаа цаг хугацааг таатай өнгөрөөх болно. Ажлын хамтрагчийн тань туслалцаатайгаар өнгөрсөн долоо хоногт тохиолдсон эмх замбараагүй нөхцөл байдал шийдэгдэнэ. Хайр дурлал санаанд оромгүй цэцэглэнэ. Жижиг сажиг асуудалд сэтгэлээр унах хэрэггүй, зүгээр л тайван суугаад таашаал аваарай.

Охин

Энэ долоо хоног гэр бүлийн долоо хоног байх нь. Аливаа асуудал амар хялбар шийдэгдэж, тайван амгалан байна. Хэдийгээр бүх зүйл таны хүссэнээр бүтэхгүй ч илүү хүчтэй, ухаалаг байснаар тэмцлийг даван туулах болно. Өрсөлдөгчид таны байр суурийг эзлэхийг оролдож байгаа тул ур чадварын хувьд өөрийгөө шинэчлэх хэрэгтэйг анхаараарай. Та бизнесийн хамтрагчаасаа асар их дэмжлэг авах болно. Тэд таны бэрхшээлийг ойлгож, таны замд саад болохгүй. Сүүлийн үед ярилцахаас зайлсхийсэн хэцүү сэдвүүдийнхээ талаар хамтрагчтайгаа ярилц. Амралтынхаа өдрүүдээр залхуу, идэвхгүй байж болохгүй. Дасгал хөдөлгөөн идэвхтэй хийхийг зөвлөж байна.

Жинлүүр

Танд ажил дээрээ өөрийгөө батлах өргөн боломжууд нээгдэх бөгөөд энэ нь эргээд албан тушаал ахихад хүргэх магадлалтай. Хэрэв та ганц бие бол энэ долоо хоногт Сугар гараг таны талд байна. Хайр дурлалын гайхалтай адал явдлуудтай та учрах болно. Хэрвээ та хостой бол хайр дурлал тань шинэ түвшинд ахина.  Долоо хоногийн дундуур санхүүгийн байдал сайжирна. Та юм бүхэнд сэтгэл дүүрэн байж, энэ ертөнц урьд өмнө хэзээ ч байгаагүйгээрээ үзэсгэлэнтэй санагдана. Спортоор хичээллэж, их хэмжээний ус ууж, жимс жимсгэнэ, хүнсний ногоо түлхүү хэрэглэхийг зөвлөе. Та өөртөө илүү их анхаарал хандуулаарай. Ажил дээр шинэ боломж гарч ирж магадгүй. Таны чин сэтгэл, шийдэмгий байдал амжилтанд хүрэх түлхүүр болно.

Хилэнц

Энэ долоо хоногт та эерэг эрчмээр дүүрэн байх болно. Таны дотоод хүч өндөр түвшинд байж, ажилдаа амжилт гаргана. Шаргуу хөдөлмөрийн үр дүнгээ харна. Хамтран ажиллагсадтайгаа маргаантай байсан бол энэ долоо хоногт шийдэгдэнэ.  Ажилтай холбоотой богино аялал хийж магадгүй.  Багийн гишүүд болон найз нөхдийнхөө тусламжтайгаар зарим чухал төслүүдээ дуусгаж чадна.  Ажил хайж байгаа хүмүүст аятайхан боломж гарч ирж болзошгүй.  Энэ долоо хоногт  хайртай хүнтэйгээ цагийг өнгөрөөхийн тулд жаахан завсарлага авахад илүүдэхгүй.  Энэ долоо хоногт хамтрагч, гэр бүл, найз нөхөд тань хангалттай их тусламжийн гараа сунгах нь. Тусламжийг хүлээн авч, хүн бүрт талархлаа илэрхийлээрэй.

Нум

Энэ долоо хоног таны хувьд маш сонирхолтой байх болно. Сэтгэл хөдөлгөм, өвөрмөц адал явдлуудаар дүүрэн байх болно. Долоо хоногийн турш сонссон эерэг мэдээнүүд таны өөртөө итгэх итгэлийг нэмэгдүүлнэ. Эрүүл мэнд сайн байна. Тиймээс олон нийтийн арга хэмжээнд идэвхтэй оролцохыг зөвлөе. Өнгөрсөнд санаа зовоож байсан асуудлууд таны хяналтанд орох болно. Өрсөлдөгчид таниас холхон байхыг хүсч, эмээж байна. Санхүүгийн байдал сайжирна.  Амжилт ойрхон байгаа тул энэ долоо хоногийг бүрэн дүүрэн ашиглаж өнгөрүүлээрэй. Хүмүүстэй илүү сайн харилцаа тогтоох боломжийг бүү алдаарай.

Матар

Таны сайн сайхан зан чанарыг хамтрагч болон гэр бүлийнхэн тань сайшаах болно. Энэ долоо хоногт та хүмүүсийн амьдралд эерэг гэрэл гэгээ нэмэх нь. Ирээдүйд маш их ашиг авчрах шинэ боломж гарч ирж болзошгүй. Эерэг бүхэн таны талд байна. Аливаа бэрхшээлийг амархан даван туулахад од эрхэс таны талд байна. Энэ долоо хоногт найз нөхөд, гэр бүлийнхэнтэйгээ хамт байх нь  хамгаас таатай байх болно. Тэд энэ долоо хоногт тулгарсан бүх саад бэрхшээлийг даван туулах таны хамгийн том дэмжлэг байх болно. Ажил дээрээ амжилтанд хүрэхийн тулд шаргуу ажиллах хэрэгтэй. Энэ долоо хоногт шаргуу ажиллаж чадвал олох санхүүгийн ашиг тань чамлахааргүй байна.

Хумх

Энэ долоо хоногт таны аз таарч, зөв, логик шийдвэр гаргаж чадна. Хөрөнгө оруулалт хийхэд тохиромжтой долоо хоног байна. Найдвартай, хамтрагчаасаа зөвлөгөө ав. Шийдвэр гаргахдаа бүү хойшлуул. Та бүх эрч хүчээ ажил, ар гэртээ төвлөрүүлж долоо хоногийг өнгөрөөх болно. Гэсэн хэдий ч өөртөө амрах цаг гаргах нь чухал юм. Энэ долоо хоногт та олон сонирхолтой хүмүүстэй уулзаж, тэдэнтэй үнэ цэнэтэй харилцаа тогтоох болно. Бүх зүйл тань бүтэмжтэй байна.  Эрүүл мэнд маш сайн байна. Та урьд урьдаасаа илүү эрч хүчтэй, эрүүл байж, өөрт тохиолдсон аливаа бэрхшээлийг даван туулахад бэлэн байх болно.  Дасгал хөдөлгөөн идэвхтэй хийхийг зөвлөж байна.

Загас

Та энэ долоо хоногт дэлхий ертөнцийг цоо шинэ нүдээр харах болно. Долоо хоногийн турш тохиолдох жижиг гэлтгүй сайн сайхан зүйлсийг анхаарч эхэлбэл үүнийг анзаарах болно. Энэ долоо хоногт амьдрал бага зэрэг хэцүү байж магадгүй ч од эрхэс танд ээлтэй байна. Тиймээс эерэг эрчим танаар дүүрэн байна. Багагүй хугацаанд уналтад орсон бол энэ долоо хоногт эсрэгээрээ тайвшралыг мэдрэх болно.  Таны сэтгэлийн түгшүүр энэ долоо хоногт намжина. Ганцаараа байж, энэ байдлаасаа аз жаргалыг эдлэхийг танд зөвлөе. Та тохиолдсон бэрхшээлийн өмнө хариуцлага хүлээх чадвартай байна. Амьдралд хийж буй бүх зүйл тань эргэн тойрны бүх хүмүүст урам зориг өгөх болно.

Сүхбаатарын талбайд шөнийн парад боллоо

/in , , , /by

Монгол цэрэг энхийг сахиулах үйлсэд оролцож эхэлсний 20 жилийн ой болон “Олон улсын энхийг сахиулагчдын өдөр”-ийг тохиолдуулан Зэвсэгт хүчний болон ХХЕГ, ОБЕГ, ШШГЕГ-ын 1,500 орчим алба хаагч ёслолын жагсаалд жагсахаар бэлтгэлээ базааж байна.

Тус нэгдсэн бэлтгэлийн хүрээнд шөнийн парадыг өнөө өглөө үүрийн 04:00 цагт Сүхбаатарын талбайд хийсэн талаар Онцгой байдлын ерөнхий газраас мэдээллээ.

Олон улсын энхийг сахиулагчдын өдөр тавдугаар сарын 29-нд тохиодог. 

2002 онд НҮБ Ерөнхий ассамблейгаас тавдугаар сарын 29-нийг “Олон улсын энхийг сахиулагчдын өдөр” хэмээн зарласнаас хойш жил бүрийн энэ өдрийг цэнхэр дуулгатнуудын баяр болгон тэмдэглэдэг болсон түүхтэй. 

Монгол Улсын Зэвсэгт хүчин нь анх 2002 онд цэргийн 2 ажиглагч офицерыг илгээснээс хойш өнгөрсөн хугацаанд дэлхийн 13 улс, мужид явагдсан 17 энхийг дэмжих ажиллагаанд давхардсан тоогоор 19 мянга гаруй цэргийн алба хаагч үүрэг гүйцэтгэсэн байна.

НҮБ-ын 13 энхийг сахиулах ажиллагаанд дэлхийн 119 орон цэрэг, цагдаагийн алба хаагч илгээж байгаагаас Монгол Улс 24 дүгээр байрт жагсаж байгаа нь хүн ам, Зэвсэгт хүчний боломжтой харьцуулахад томоохон үзүүлэлт болохыг онцолдог билээ.