Хачигт халдвараас болгоомжлохыг сэрэмжлүүлж байна

/in , , , , /by

Жил бүрийн дөрөвдүгээр сараас аравдугаар сар хүртэл хачгийн идэвхжил өндөрсдөг. Хачигт халдвар нь улирлын чанартай бөгөөд урин дулаан цагт түлхүү идэвхэждэг.

Манай орны хувьд халдвар үүсгэгч олон зүйл байдгаас гол дамжуулагч нь ойн хачиг юм. Хачиг нь  хүн, мал амьтны цусыг шимэгчлэн амьдардаг бөгөөд хүний биеийн нимгэн арьстай чийглэг газар буюу суга цавь, хөхний дор, чихний ар, үсэн дотор байрлаж бие рүү гүн шигдэн орж, вирус, нян зэрэг халдвар үүсгэдэг. Хачигт хазуулснаар олон төрлийн хүндрэл үүсэх эрсдэлтэй.

Тиймээс хачигт халдварын идэвхжилтийн үе эхэлсэн тул иргэд та бүхнийг анхаарал болгоомжтой байхыг Нийслэлийн байгаль орчны газраас сэрэмжлүүлж байна.

Элсэлтийн Ерөнхий Шалгалтын бүртгэл дуусахад ДӨРӨВ хоног үлдлээ

/in , , , , /by

2022 оны Элсэлтийн Ерөнхий Шалгалт/ЭЕШ/-ын бүртгэл дөрөвдүгээр сарын 25-нд дуусна. 

Бүртгэл хаагдсан тохиолдолд нэмэлт бүртгэл хийхгүй, хичээл нэмэхгүй юм. Иймд ЭЕШ өгөхөөр бэлдэж байгаа бол дурдсан хугацаанд eyesh.eec.mn цахим хуудсаар дамжуулан бүртгүүлээрэй.

Хэрэв шалгуулагч та бүртгэлийн дугаар, нууц үгээ авсан хэдий ч шалгалт өгөх хичээлээ сонгоогүй байгаа бол бүртгэлийн хугацаанд хичээл сонголтоо хийж, төлбөр төлснөөр бүртгэл баталгаажих юм.

Мөн ЭЕШ-тай холбоотой зөвлөгөө мэдээлэл, жишиг даалгавар, теле хичээл, элсэгчийн сонин, хариултын хуудас зэрэг мэдээ мэдээллийг БҮТ-ийн цахим зөвлөх help.eec.mn хуудаснаас аваарай.

Өнөөдөр иргэдэд хууль, эрх зүйн үнэ төлбөргүй зөвлөгөө өгөх өдөр

/in , , , , , /by

НЗДТГ-аас “Иргэдийн хууль, эрх зүйн боловсролыг дээшлүүлэх” арга хэмжээний хүрээнд Монголын Хуульчдын холбоотой хамтран иргэдэд хууль, эрх зүйн үнэ төлбөргүй зөвлөгөө өгдөг билээ.

Сар бүрийн гурав дахь 7 хоногийн лхагва гарагт иргэдэд зөвлөгөө өгдөг тус өдөрлөгийг дөрөв дэх жилдээ тогтмол зохион байгуулж байна.

Энэ сарын өдөрлөгийг өнөөдөр буюу дөрөвдүгээр сарын 20-нд 09:00-17:00 цагийн хооронд зохион байгуулах юм.

Иймд иргэн та 75050801, 75050802, 75050803, 75050804 дугаарын утсаар холбогдож өөрт хэрэгтэй хууль, эрх зүйн зөвлөгөө, мэдээллийг авах боломжтой.

ТОДРУУЛГА:АИ95 ШАТАХУУН ЛИТР ТУТАМДАА 200, ДИЗЕЛЬ ТҮЛШ 250 ТӨГРӨГӨӨР НЭМЭГДСЭН

/in , , , , , /by

Шатахууны үнэ литр тутамдаа 200-250 төгрөгөөр нэмэгдсэн гэх мэдээлэл цахим сүлжээнд тавигдаад буй. Бид уг мэдээллийг Уул урхай, хүнд үйлдвэрийн яамнаас тодруулахад, “Дизель түлшний үнэ литр тутамдаа 250 төгрөгөөр нэмэгдсэн. Мөн АИ95 литр тутамдаа 200 төгрөгөөр нэмэгдсэн. УИХ-аас баталсан “Олон улсын хямралт нөхцөл байдлаас үүдэлтэй гол нэр төрлийн бараа, бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах тухай хууль”-нд зөвхөн АИ92-ын үнийг тогтворжуулж барина гэж тусгасан байгаа” гэлээ.

Мазаалай баавгайн тоо толгой 50 болж өсжээ

/in , , , , /by

2022 оны Эрдэмтдийн судалгаагаар Мазаалай баавгайн тоо толгой 50 гэж тогтоогдсон тухай Экологийн цагдаагийн албанаас мэдээллээ.

2016 оны тооллогоор улсын хэмжээнд Мазаалайн тоо 22 байсан бол 2018 онд 36 болж нэмэгдсэн тухай ШУА-ийн Ерөнхий болон Сорилын биологийн хүрээлэнгээс мэдээлж байсан юм.

Мазаалайг анх Оросын эрдэмтэн ургамал судлаач А.А.Юнатов болон газар зүйч эрдэмтэн Э.М.Мурзаев нар 1943 оны наймдугаар сарын 4-ний өдөр бодитоор олж харсан гэдэг.

Амьтан судлаач А.Г.Банниковын 1954 онд хийсэн судалгаанд Мазаалай нь 20 дугаар зууны эхний хагаст Алтайн өвөр говийн бүх хэсэгт буюу баруунтаа аж Богдын нурууны өвөр, хойгуураа Эдрэнгийн нуруу, зүүн талдаа Тостын нуруу хүртэл тархаж байсан гэж бичжээ.

Нас бие гүйцсэн эр мазаалайг шармаахай, эмийг нь эвш гэж нэрлэдэг бөгөөд эвшийн эзэмшил нутгийн хэмжээ 514 километр квадрат байдаг бол шармаахайн эзэмшил нутаг 2,465-2,485 километр квадрат хүрдэг.

Мөн бодгаль биесийн хооронд эзэмшил нутгийн давхцал их байдаг гэдгийг хүзүүвчний тусламжтайгаар судлаачид тогтоосон байна.

Хүүхдийн мөнгийг он дуустал бүтэн буюу 100 МЯНГАН төгрөгөөр олгох чиглэл өгчээ

/in , , , , /by

Засгийн газрын ээлжит бус хурал баасан гарагт болсон. Энэ үеэр Төсвийн тодотгол хэлэлцэн, хэд хэдэн үндсэн чиглэлийг Ерөнхий сайд гаргажээ. Үүнд хүүхдийн мөнгийг он дуустал бүрэн олгох буюу Хуримтлалтай хүүхэд бодлогын хэрэгжилтийг түр хойшлуулах санал багтжээ.

Энэ оны улсын төсөвт хүүхдийн мөнгийг зургадугаар сар дуустал хүүхэд бүрд 100 мянган төгрөгөөр олгох, долдугаар сарын 1-нээс хойш 50 мянган төгрөгийг бэлнээр, үлдсэн 50 мянган төгрөгийг хуримтлалын дансанд хийж, тухайн хүүхэд 18 нас хүрээд авах зохицуулалт  хийсэн байв.

Ерөнхий сайдын өгсөн чиглэлийг  энэ долоо хоногт УИХ эцэслэн шийднэ.

зурхай

ДОЛОО ХОНОГИЙН ӨРНИЙН ЗУРХАЙ /2022.IV.18-2022.IV.24

/in , , , , , /by

Бизнес эрхлэгч хонины ордныхон энэ долоо хоногт хэвийн ажилладгаараа ажиллах хэрэгтэй. Мөн хүмүүстэй маргалдахаас зайлсхийж аль болох тайван байхыг зөвлөж байна. Санхүүгийн хувьд том зардал гарахгүй ч ирээдүйд зориулж мөнгө хадгалах хэрэгтэй. Гэрлэсэн хосуудад энэ долоо хоног тийм ч таатай байхгүй. Тэвчээртэй байх нь маш чухал. Гэр бүлийн харилцаа тогтвортой тайван байна. Эрүүл мэндийн хувьд энэ долоо хоногт биеийн доод хэсэг бэртэж гэмтэж болзошгүй.

ҮХЭР


Үхрийн ордныхон энэ долоо хоногт сэтгэл санааны сайнгүй байдлаасаа болж ажлын бүтээмж буурч тааруу ажиллана. Ингэснээр ажлын байран дээр өөртөө итгэлгүй болж болзошгүй. Санхүүгийн хувьд хэрэгцээгүй зүйлсэд мөнгө үрэхээ болих шаардлагатай байна. Ганц бие үхрийн ордныхон энэ долоо хоногт хайр дурлалын асуудлаар завгүй байх болно. Эрүүл мэнд хэвийн тогтвортой байна.

ИХЭР

Бизнес эрхлэгч ихрийн ордныхон энэ долоо хоногт үйлчлүүлэгчдэдээ илүү их анхаарах шаардлагатай. Санхүүгийн хувьд таны орлого нэмэгдэх төлөвтэй байна. Гэсэн хэдий ч энэ долоо хоногт ямар нэг хөрөнгө оруулалт хийхээс зайлсхийгээрэй. Гэр бүлийн зарлага өснө. Хайр дурлалын хувьд дотно хүнтэйгээ маргалдана. Эрүүл мэнд асуудалгүй хэвийн байна.

МЭЛХИЙ

Бизнес эрхлэгч мэлхийнүүд энэ долоо хоногт чухал шийдвэр гаргахгүй байхыг зөвлөж байна. Од эрхэсийн байрлалын нөлөөгөөр та хэрэггүй зардлуудаа танах шаардлагатай байна. Гэрлэсэн хосуудын хувьд тийм ч таатай долоо хоног болохгүй. Та хайртыхаа таныг үл тоодог занд төвөгшөөж маргалдаж болзошгүй. Тэвчээртэй байх нь чухал. Эрүүл мэндээ хамгаалахын тулд эрүүл хооллох шаардлагатай.

АРСЛАН

Бизнес эрхлэгч арслангууд энэ долоо хоногт өрсөлдөгчидтэй тулгарна. Бизнесийн аялалд гарч магадгүй байна. Санхүүгийн хувьд төлөвлөөгүй зардлууд гарах тул санхүүгээ бэлтгэлтэй байлгах шаардлагатай. Ганц бие арслангийн ордынхон гэр бүлийхээ дарамт шахалттай тулгарна. Эрүүл мэндийн хувьд биеийн байдал санаа зовоох зүйлгүй.

ОХИН

Энэ долоо хоногт охины ордныхон шаргуу ажиллах шаардлагатай. Шаргуу ажиллаж, ажлаа цагт нь гүйцэтгэх нь танд ирээдүйд хэрэгтэй болно. Дотны хүнтэйгээ маргалдаж муудалцаж болзошгүй. Ийм тохиолдолд тэвчээр гаргах нь хамгийн зөв шийдвэр болно. Эрүүл мэндийн хувьд энэ долоо хоногт зүүн нүдээ гамнаж хайрлах хэрэгтэй. Ямар нэг өвчин мэдэрвэл яаралтай эмнэлэгт хандах шаардлагатай.

ЖИНЛҮҮР

Бизнес эрхлэгч жинлүүрийн ордныхонд энэ долоо хоног хүндхэн байж болзошгүй. Хийж буй ажлуудын үр дүн хурдан гарахгүй байвал сэтгэл түгших хэрэггүй. Гэр бүлд тань томоохон зардал гарч ирэх тул бэлтгэлтэй байхыг од эрхэс зөвлөж байна. Гэсэн хэдий ч гэр бүлийнхэн, хайрттайгаа харилцах харилцаа сайхан байх бололтой. Хоол боловсруулах эрхтэн өвчлөхөөс сэргийлээрэй.

ХИЛЭНЦ

Газрын тос, химийн бодис, машин техниктэй холбоотой бизнес эрхлэгчдэд таатай долоо хоног болж өнгөрнө. Харин хөдөө аж ахуйтай холбоотой бизнесүүдэд хүндрэл үүсч болзошгүй. Хичээл зүтгэл үргэлж сайн зүйлд хүргэдэг. Санхүүгийн хувьд энэ долоо хоногийн орлого дундажаас доогуур байна. Гэхдээ удирдлагуудын зүгээс шаардлагатай тусламжийг үзүүлж, санхүүгийн асуудлыг тань шийдэж өгөх бололтой. Хостой хилэнцүүд энэ долоо хоногт хайрттайгаа романтик болзоонд явах ч цагийг тийм ч таатай өнгөрүүлэхгүй бололтой. Харин ганц биечүүд хүнд сохроор итгэхээс зайлсхийх хэрэгтэй. Нуруу өвдвөл даруй эмнэлэгт үзүүлээрэй.

НУМ

Шинэ боломжууд хаалга тогших бүрд шуурхай хариу өгөх хэрэгтэй. Бизнес эрхлэгч нумынхан энэ долоо хоногт бизнесээ өргөжүүлж чадна. Гэр бүлд үүссэн багахан асуудлуудад цэг тавиарай. Хүүхэд хүсч байсан хосууд энэ долоо хоногт хүслээ биелүүлж магадгүй. Сэтгэл санааны онцгүй байдлууд эрүүл мэндэд шууд нөлөөлдөг гэдгийг санаж, юу ч болж байсан тайван байх хэрэгтэй. Жин нэмж байгаа нумынхан эрүүл мэнддээ онцгой анхаарч, хэт их амтлагчтай хоолноос татгалзаарай. Хэрвээ шинэ ажил эхлүүлэх гэж байгаа бол энэ долоо хоногтоо өнжөөд, илүү тохиромжтой цагийг хүлээхийг зөвлөж байна.

МАТАР

Бизнес эрхлэгчдэд том асуудал үүсэхгүй. Гэхдээ үйлчлүүлэгчдийн санал, хүсэлтийг онцгойлон анхаараарай. Үгүй бол шинэ захиалга авч чадахгүй болоход хүрэх аюултай. Санхүүгийн хувьд элдэв асуудал тулгарахгүй бололтой. Гэхдээ хадгаламжиндаа чадлаараа мөнгө нэмэхийг хичээх хэрэгтэй. Ганц бие матрууд энэ долоо хоногт насныхаа ханьтай учирч магадгүй. Харин хостой матрууд харилцаандаа жижиг өөрчлөлтүүдийг хийх хэрэгтэй болох нь. Эрүүл мэнддээ анхаарч, их амтлагчтай хоол, хэт оройн хоолноос татгалзаарай.

ХУМХ

Импорт, экспорттой холбоотой бизнест хүндрэл үүсч болзошгүй. Гэр бүлийн асуудлууддаа чадах чинээгээрээ санаа тавьж эцсийг нь үзэхийг хичээгээрэй. Мөн гэр бүлийнхээ гишүүдэд муу үг хэлэх нь салалтын үндэс болох ч аюултай. Ах дүү нартайгаа ч гэсэн болгоомжтой харьцах хэрэгтэй. Санхүүгийн урсгал тогтвортой, хэвийн байна. Мөн шинэ мөнгөний эх үүсвэртэй болж магадгүй. Түргэн хоолноос зайгаа бариарай. Сүүлийн үед жин нэмж байгаа бол дасгал хөдөлгөөн, йог хийж, эрүүл мэндээ анхаарах цаг иржээ.

ЗАГАС

Бизнес эрхлэгч загаснууд энэ долоо хоногт хэд хэдэн ашигтай гэрээ байгуулаад тун завгүй байх бололтой. Харин ажилтан загаснууд гадаад компаниас ажлын санал хүлээн авч магадгүй. Хичээл зүтгэлээ бууруулж болохгүй. Санхүүгийн хувьд бага зэрэг таагүй долоо хоног өнгөрөх бололтой. Тиймээс санхүүгийн хүндрэлүүдээ даван туулахын тулд энэ долоо хоногийг нүдээ аниад, тэвчээд өнгөрүүлэхийг хичээгээрэй. Ганц бие загаснууд амьдралынхаа ханьтай учирч магадгүй. Та хоёрын мэдрэмжүүд сайхан тохирч, ирээдүйг хамтдаа бүтээхийг хүсэх нь гарцаагүй. Бясалгал хийж сэтгэл санаа, эрүүл мэндээ тогтвортой байлгаарай. Жирэмсэн эхчүүд эрүүл мэнддээ онцгой анхаарах хэрэгтэй. хэлэхэд хэцүү ч энэ долоо хоногт та бэртэж, гэмтэх эрсдэл их байгаа тул болгоомжтой байгаарай.

зурхай

ЗУРХАЙ: Үс шинээр үргээлгэх буюу засуулбал жаргал ирнэ

/in , , , , , /by

Өнөөдөр аргын тооллын 4-р сарыэ 14. Пүрэв гараг. Билгийн тооллын XVII Жарны “Буян үйлдэгч” хэмээх Усан бар жилийн Хаврын адаг хөх дуу сарын 13. Бархасвадь гараг. Харцага одтой, долоон улаан мэнгэтэй, улаагчин тахиа өдөр. 

Тухайн өдөр иогой жилтнээ аливаа үйлийг хийхэд эерэг сайн ба үхэр, луу, хонь, нохой жилтний сөрөг муу нөлөөтэй тус элдвэ үйлд хянамгай хандаж биеэ энхрийлүүштэй. Эл өдөр найз нөхдийг түшиж элдэвь үйлийг түргэн бүтээх, бүтээл туурвил эхлэх, бизнес эхрлэх, уаг ихтэй үйлийг эхлүүлэх, буг дарах, газрын ам бооход сайн. Улаа гаргах, хиншүү хярвас гаргах, мод суулгах, нарийн зөвөлгөөн хийх, башингийн суурь тавих, угаал үйлдэхэд муу. 

Өдрийн сайн цаг нь хулгана, бар, туулай, морь, хонь, тахиа болой. Хол газар явах бол баруун хойд зүгт мөрөө гаргавал зохистой. Үс шинээр үргээлгэх буюу засуулбал жаргал ирнэ гэжээ. 

15 аймгийн 76 суманд малын халдварт өвчний хорио цээрийн дэглэм үргэлжилж байна

/in , , , , , /by

Малын гоц халдварт өвчний тархалттай холбогдуулан УОК-ын Нэгдсэн шуурхай штабаас нийслэл болон 21 аймгийн Онцгой комисстой цахим хуралдаан зохион байгууллаа.

Өнөөдрийн байдлаар 15 аймгийн 76 сумын 145 голомтод хорио цээрийн дэглэм хэрэгжиж, 41 сумын 85 голомт хязгаарлалтын дэглэмд шилжсэн байна. Харин 17 аймгийн 76 сумын 192 голомтын хорио цээрийн дэглэмийг бүрэн цуцлаад байна.

Шүлхий өвчний голомтыг хязгаарлах, халдварын тархалтыг хумих дархлаажуулалтын арга хэмжээг 17 аймаг, нийслэлийн Мал эмнэлгийн газраас зохион байгуулж байгаа аж.  Энэ ажил өчигдрийн байдлаар 85.1 хувийн гүйцэтгэлтэй хийгдэж байгаа гэдгийг мэдээллээ.

УОК-ын Нэгдсэн шуурхай штабаас УОК-ын 2022 оны 02 тоот тогтоолыг хэрэгжүүлэх төлөвлөгөөг боловсруулан Монгол Улсын Шадар сайд болон Хөдөө аж ахуй, хөнгөн үйлдвэрийн сайд нарын хамтарсан тушаалаар батлуулсан байна. Цаашид мал амьтны гоц халдварт өвчинтэй тэмцэх ажлыг тус төлөвлөгөөний дагуу эрчимжүүлэхийг аймгуудын Онцгой комисст танилцуулсан юм.

Мөн хуралдаанаар аймгуудын Онцгой комисс, Мал эмнэлгийн газарт,

  • Хорио цээрийн дэглэмийн хяналтыг сайжруулах, зөрчсөн иргэн, албан тушаалтан, ААН байгууллагад хариуцлага тооцох
  • Өвчин гарсан бүс нутгаас малын шилжилт хөдөлгөөнийг бүрэн хориглох, гарал үүслийн гэрчилгээ олгохгүй байх, гарал үүслийн гэрчилгээ олгосон малын эмч, ААН байгууллагад хариуцлага тооцох
  • Малын шилжилт хөдөлгөөнийг хориглосоор байтал хөдөлгөөн хийгээд байгаа малчид, уяачдад хариуцлага тооцож, авч хэрэгжүүлсэн арга хэмжээг УОК-ын Нэгдсэн шуурхай штабт эргэж тайлагнах
  • Дархлаажуулалтын арга хэмжээг хэрэгжүүлэхэд дайчлагдан ажиллах хүн, хүчний нөөцийг бүрдүүлж, хариуцлагын гэрээ байгуулж, аюулгүйн ажиллагааны зааварчилгаа өгөх
  • Дархлаажуулалтын арга хэмжээ зохион байгуулах тухай малчид, мал бүхий иргэдэд тухай бүр хүргэх
  • Дархлаажуулалт хийхэд зарцуулагдах шатахууны зардлыг аймаг, сумдын Засаг даргын нөөц хөрөнгөөс гаргах
  • Вакцин хадгалах хүйтэн хэлхээг шалгах, тухай бүр хяналт тавих
  • Дархлаажуулалтын арга хэмжээ зохион байгуулахад шаардагдах зүү тариур, багаж, техник, тоног төхөөрөмж, хувийн хамгаалах хувцас хэрэгсэл, халдваргүйтгэлийн бодисын нөөцийг бүрдүүлэх
  • Вакцин тээвэрлэх, сумдад хүргэх төлөвлөгөө гаргах, техник хэрэгслийн бэлэн байдлыг хангах
  • Дархлаажуулалт хийх ажлын зураглал, маршрут гаргах
  • Өөр аймгаас отроор ирсэн малчин өрхийн судалгаа гаргаж, зорилтод малыг дархлаажуулалт бүрэн хамруулахыг үүрэг болголоо гэж УОК-ын Нэгдсэн шуурхай штабаас мэдээллээ.

зурхай

ДОЛОО ХОНОГИЙН ӨРНИЙН ЗУРХАЙ 2022.IV.11-2022.IV.17

/in , , , , , /by

Хонь

Энэ долоо хоногт таны ажлын ачаалал их байна. Боломж гарвал рашаан сувилалд явах, дуртай уран зохиолоо унших зэргээг алжаалаа тайлаарай. Амьдралын зорилгоо тодорхойлж, урагш ахихад тань үнэтэй зөвлөгөө өгөх маш сайн зөвлөгчийг олох болно. Ажлын хамтрагчдын дэмжлэг сэтгэл хөдөлгөнө. Танд ажил дээрээ өөрийгөө батлан харуулах боломжууд гарч ирэх бөгөөд албан тушаал ахиж ч болзошгүй. Энэ долоо хоног бол хайрыг мэдэрч, дотор хүнээ сонсох долоо хоног. Түүнчлэн сайн үйл үйлдэхийг од эрхэс зөвлөж байна.

Үхэр
Та энэ долоо хоногт өөрийн зорилгоо тодорхойлж, өөрийгөө илүү сайн таньж мэдэхийн тулд дотоод сэтгэлийн аялалд гарах бололтой. Хайртай хүмүүс тань танд төвөг учруулахгүй бөгөөд хүссэнээ хийх боломжийг олгоно. Хайрттайгаа төдийлөн их цагийг өнгөрөөж чадахгүй ч энэ долоо хоногт та хоёрын харилцаа сайн байна. Хэрвээ та ганц бие бол энэ долоо хоногт сугар гариг таны талд байна. Танд гайхалтай адал явдал тохиолдож мэдэх юм шүү. Нэгэнт хайраа олсон хүмүүс харилцаагаа шинэ шатанд гаргана. Энэ долоо хоногт ер бусын өндөр сэтгэгдэлээр дүүрэн, эерэг өдрүүд таныг хүлээж байна.

Ихэр
Энэ долоо хоног таны хувьд харьцангуй хялбар байх нь. Ажил дээрээ цагийг хөгжилтэй өнгөрөөж, хамт олонтойгоо төвөггүй ойлголцоно. Тэр бүү хэл ажил дээрх цаг хугацаа амьдралын тань хамгийн эерэг хэсэг ч байж мэдэх юм. Та маш үр бүтээлтэй, ажил ихтэй байх ба энэ байдал өөрт чинь таалагдах болно. Найз гэж бодож байсан хүмүүс алдааг чинь дөрөөлөн таныг орхихыг завдаж мэднэ. Хэн таныг халамжилж, хэн танаас дөлж байгааг ойлгоход багагүй хугацаа зарцуулагдана. Энэ долоо хоногт зөвхөн өөртөө л анхаарал хандуулбал зохилтой. Шийдвэр гаргахдаа болгоомжтой байгаарай.

Мэлхий
Энэ долоо хоног хүндхэн өнгөрөх нь. Хүнд өдрүүдийг даван туулсны эцэст гэр бүл хэчнээн чухал болохыг та ойлгоно. Тэдэндээ талархсанаа илэрхийлж, өмнөх алдааныхаа төлөө уучлал гуйхаа мартуузай. Хэрэв та амжилтад хүрэхийг хүсч байвал хувийн сахилга бат нэн чухал гэдгийг санаарай. Цаг барьдаг байх хэрэгтэй. Хувийн сахилга батыг баримталснаар шаргуу хөдөлмөрийнхөө үр дүнг хүртэнэ. Таны бизнес бусдын дэмжлэгээр цэцэглэн хөгжиж байгаа тул та бага зэрэг л анхаарал хандуулахад бүх зүйл сайхан болно.

Арслан
Энэ долоо хоногт өөртөө үнэлэлт дүгнэлт хийж, өөрийгөө илүү сайжруулахад анхаарлаа хандуулаарай. Хувь тавилан танд өөр сонголт үлдээгээгүй байна. Бизнесийн хувьд ахиц дэвшил муутай байна. Зарим зүйлс цаг хугацаандаа амжихгүй, ажилдаа анхаарлаа төвлөрүүлж чадахгүй байж мэдэх юм. Маш их ажилд дарагдахын зэрэгцээ харилцааны асуудал үүсч болзошгүй. Хүүхдүүд чинь дуулгавартай байж та тэднийг урамшуулна. Энэ долоо хоногт эрүүл мэндэд бага зэрэг асуудал тулгарч болзошгүй.

Охин
Энэ долоо хоногт шинэ үүрэг хариуцлага хүлээж магадгүй бөгөөд та үүнийгээ амжилттай биелүүлэх юм байна. Хандив, сайн үйлс хийвэл үйлийн үр нь хэмжээлшгүй их. Бизнесээ шинэ түвшинд өргөжүүлэх боломж гарч ирнэ. Ажил хэрэгтэй холбоотой чухал шийдвэрүүдээ гаргахад тохиромжтой долоо хоног юм. Долоо хоногийн эхээр бага зэрэг саад бэрхшээл тулгарч магадгүй. Гэвч өдөр өдрөөр саад бэрхшээл шийдэгдэж, нуруун дээрх ачаа хөнгөрсөөр байх болно. Долоо хоногийн сүүлээр шаргуу хөдөлмөрийн үр дүнд шагнуулж мэдэх юм. Алдагдал тань ашиг болон хувирч магадгүй. Эцэг эхийн эрүүл мэнд сайн байна.

Жинлүүр
Хайртай хосууд хоорондоо нийцтэй, итгэлцэл дүүрэн байх нь. Хэдийгээр муудалцах зүйл гарсан ч та бүхнийг байгаагаар нь хүлээж авахаар шийднэ. Энэ нь ирээдүйд тохиох таагүй зүйлсээс ихээхэн хамгаална. Ямар нэгэн чухал шийдвэр гаргахдаа сайн бодоорой, нөхцөл байдал улам дордох вий. Маргаанд оролцохоос зайлсхийх хэрэгтэй, эс бол энэ нь таныг сөрөг байдлаар доош татна. Ахмад хүмүүсийн сургааль болон хүсэл зоригийнхоо хүчээр таагүй бүхнийг даван туулж гарч чадна. Энэ долоо хоногт азгүйтэж, алдагдал хүлээх магадлалтай.

Хилэнц
Таны ажил хэргийн хамтрагчид энэ долоо хоногт таны гүйцэтгэлд маш их сэтгэл хангалуун байна. Бизнес тань олон улсад өргөжин тэлэх магадлалтай. Энэ долоо хоногт таны мэдэрч буй аз жаргал нь эрүүл мэнд, хувийн амьдралд сайнаар нөлөөлнө. Ажлын байр, албан тушаал ахихтай холбоотой өөрчлөлт гарч магадгүй. Удирдлагууд тань таныг үнэлнэ. Гэр бүлийнхнийхээ дэмжлэгийг авч хувь хувьсгалын бүх зүйл тань бүтэмжтэй сайхан байх нь.

Нум
Энэ долоо хоногт хайр дурлалын амьдрал аз жаргалаар дүүрэн байх нь. Таны хайрт санаачлагатай байснаар та аз жаргалтай, сэтгэл хангалуун байна. Бодож байгаа зүйлээ илэн далангүй илэрхийлэх нь харилцааг дараагийн шатанд аваачина. Шинэ бүхэн сэтгэл хөдлөм, сонирхолтой байдаг тул танд маш их эерэг өөрчлөлт мэдрэгдэнэ. Гоо үзэсгэлэн, сэтгэл татам чанар чинь улам тодрон гялалзсан өдрүүд үргэлжлэх нь. Аливаа шийдвэр гаргахдаа итгэлтэй хүмүүстэйгээ сайтар зөвлөлдөхөд гэмгүй.

Матар
Энэ долоо хоногт эрүүл мэнд тань сайжирна. Урьдчилан сэргийлэх арга хэмжээ хэдий чинээ их авна, төдий чинээ үр дүн сайтай байна. Зорилгодоо хүрэхийн тулд тууштай ажиллаж байгаа эсэхдээ анхаарал хандуулаарай. Энэ долоо хоногт хөрөнгө оруулалт хийвэл хожим нь ашиг авчрах магадлалтай. Ажлын ачааллаас болоод гэр бүлдээ цаг гаргаж чадахгүй. Долоо хоногийн сүүлээр өрсөлдөгчид чинь тань руу довтолж, хичээл зүтгэлийг тань үнэгүйдүүлэхийг оролдож магадгүй. Энэ үеэр томоохон хөрөнгө оруулалт хийх, хүнд зээл өгөхгүй байхыг зөвлөж байна.

Хумх
Энэ долоо хоногт хайртай хүмүүсийнхээ нөмөр нөөлгийг мэдэрч, аюулгүй хоргодох газар, итгэлтэй хүнтэй байхын сайхныг мэдэрнэ. Ямар ч шүүмжлэлээс айлгүйгээр тэднийхээ дэргэд өөрийнхөөрөө байгаарай. Бизнесийн үйл ажиллагаа жигд сайхан байна. Шинэ үйлчлүүлэгчидтэй болно. Их бага хэмжээгээр өсөлтийг мэдэрсэн долоо хоног болно. Санхүүгийн нөхцөл байдал сайжирна. Хамтран ажиллагсад тань маш их дэмжлэг үзүүлнэ. Тиймээс багаар ажиллахад таатай байх нь. Хайр дурлалын амьдрал энэ долоо хоногт түр зогсонги байдалд орж болзошгүй.

Загас
Энэ долоо хоногт хайсан зүйлээ олохгүй, бүтэл муутай байж магадгүй ч яагаад ийм байгаагийн шалтгааныг сайтар бодож тунгаагаарай. Магадгүй та өөрийнхөө хандлагад анхаарах цаг болсон байж мэднэ. Хэн нэгэнд хорсмоор санагдаж, түрэмгий зан хөдөлж магадгүй. Магадгүй та аль хэдийнэ хэн нэгэнд энэ мэдрэмжээ хатуу үгээр илэрхийлээд гаргачихсан ч байж мэднэ. Хүнд үг хэлэхээсээ өмнө өөртөө нэг хэлээд үзээрэй. Харилцаанаас хандлага эхэлнэ. Хүн хэлээрээ мал хөлөөрөө.