МОНГОЛ УЛС 1КВТ. ЭРЧИМ ХҮЧНИЙ ҮНЭ ХОЁР ХӨРШӨӨС 40-50 ХУВЬ ХЯМД

/in , , , , , /by

ОХУ болон Украин улсын хурцадмал байдал нь европ болон азийн зарим оронд эдийн засгийн хүнд нөхцөл байдлыг бий болгосоор байна.  Өнөөдрийн байдлаар Европын орнуудад хэрэглэгчийн 1 КВТ эрчим хүчний үнэ 34 цэнт бюу 1040 төгрөг байна. Харин манай улсад хэрэглэгчийн 1 КВТ эрчим хүчний үнэ 175 төгрөг байна.

Өнөөдрийн байдлаар цахилгаан дулааны эрчим хүчний үнэ дэлхийн бусад улс оронтой харицуулахад маш хямд байгаа юм. Жишээлбэл Оросын холбооны улс болон Бүгд найрамдах Хятад ард улстай харицуулахад 40-50 хувь хямд байна. Харин Евродын холбооны улсуудаас 4-5 дахин хямд байгаа юм. Үүнээс авч үзвэл дэлхий дахинд үнийн өсөлт эрчимтэй нэмэгдэж байгаа хэдий ч манай улсын хувьд үнэ тогтвортой байна.

Өнөөдөр манай улсад мөрдөгдөж байгаа хууль эрх зүйн зохицуулалтаар цахилгаан дулааны эрчим хүчний хэрэглэгчийн үнийг хараат бусаар тогтоодог. Үнийг хараат бусаар тогтоодог газар бол эрчим хүчний зохицуулах хороо юм. Эрчим хүчний зохицуулах хорооноос гаргасан тооцоогоор одоо байгаа хэрэглэгчийн үнийг хамгийн багадаа 28 хувиар нэмэгдүүлж байж цахилгаан дулааны эрчим хүчний үнэ өөрийн өртөгтөө хүрнэ.

Эрчим хүчний салбар зардлаа нөхөж чадахгүй өөрийн өртөгөөс нь доогуур үнээр борлуулалт хийж байгаа нь цаашид энэ салбар доголдох нэг том шалтгаан нь болж байна.  Дашрамд дурдахад хот болон аймгийн төв, арван мянгаас дээш хүн амтай сум, суурин газрын гэр хорооллын өрхийн орой, шөнийн цагт хэрэглэсэн цахилгааны тарифт

2017 онд 6.2 тэрбум төгрөг

2018 онд 9.8 тэрбум төгрөг

2019 онд 13 тэрбум төгрөг

2020 онд 18.1 тэрбум төгрөг

2021 онд 23.6 тэрбум төгрөгийн хөнгөлөлт үзүүлжээ.

УОК-ЫН ШИЙДВЭРТ УЯАЧИД БУХИМДАЖ БАЙНА

/in , , , , /by

Засгийн газрын тогтоолоор жил бүрийн тавдугаар сарын 1-ийг хүртэл хурдан морины уралдааныг хориглодог. Тэгвэл нийт уяачид тавдугаар сарын 1-ний өдрөөс морьдоо уралдуулахаар морьдынхоо уяа сойлгыг тааруулж бэлэн байдлаа хангаж байжээ. Гэтэл хэдхэн хоногийн өмнө УОК-оос  тавдугаар сарын 15-ныг хүртэл хурдан морины уралдааныг хориглосон гэнэтийн  шийдвэр гарасанд уяачид гомдолтой байна.  21 аймгийн хэмжээнд Уяачид тавдугаар сарын нэгнээс хурдан морины 100 гаруй уралдаан зохион байгуулахаар төлөвлөөд байжээ.

УОК-ын шийдвэрт Улсын хэмжээнд Шүлхий өвчний вакцинжуулалтыг хийх үүднээс хурдан мориын уралдааныг хоригложээ. Одоогоор 17 аймгийн 100 гаруй сумд шүлхий өвчин тархаад байгаа. уяачдын хувьд шүлхий өвчний  вакцинжуулалтыг хийх нь зөв. Гэхдээ шүлхий зөвхөн үхэр хонь ямаа буюу салаа туураатай малд тусдаг гэдгийг хэлж байна. Нэг ёсондоо цагийг нь тулгаж шийдвэр гаргасанд уяачид бухимдалтай байна. Хэрвээ ийм шийдвэр гаргах байсан бол хугацаа тулгалгүйгээр урьдчилаад мэдэгдэх байсан гэдгийг хэлж байна.

Хурдан морь уралдуулахад сунгаанаас эхлээд олон ажил төлөвлөж хийдэг учир УОК-оос гаргасан шийдвэртэй холбоотой эдгээр ажил алдагдаж байгааг онцоллоо. Нэг уяач сард дунджаар 300 мянгаас нэг сая төгрөгийн зардлыг уяа сойлгонд зарцуулдаг. Хэрвээ хурдан морины сунгаа, давхил эхэлсэн үед сунгааг зогсоовол уяа сойлгоо удаан тогтоож чададгүй байна. Энэ утгаараа  цаг хугацаа болон эдийн засгийн хувьд ч уяа ч нар алдагдал хүлээгээд байна.

зурхай

ЗУРХАЙ: Үс шинээр үргээлгэх буюу засуулбал жаргал үргэлжид ирэх сайн

/in , , , , /by

Өнөөдөр аргын тооллын дөрөвдүгээр сарын 26. Мягмар гараг. Билгийн тооллын XVII Жарны “Буян үйлдэгч” хэмээх Усан бар жилийн Хаврын адаг хөх луу сарын 26. Ангараг гараг. Чөдөр одтой, дөрвөн ногоон мэнгэтэй, шарагчин тахиа өдөр.

Өдрийн наран 5 цаг 43 минутад мандан, 19 цаг 57 минутад жаргана. Тухайн өдөр үхэр, могой жилтнээ аливаа үйлийг хийхэд эерэг сайн ба бич, тахиа сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр гэмтнийг шийтгэх, лусыг тахих, хагалгаа хийлгэх, гэр бүрэхэд сайн. Мод суулгах, нарийн зөвлөгөөн хийх, сэтгэлд сэвтэй газар очиход муу.

Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод баруун хойш мөрөө гаргавал зохистой. Үс шинээр үргээлгэх буюу засуулбал жаргал үргэлжид ирэх сайн хэмээжээ.

НӨАТ-ын буцаан олголтыг өнөөдрөөс олгож эхэлнэ

/in , , , , , /by

Иргэдийн худалдан авалтад төлсөн НӨАТ-ын 2 хувийн буцаан олголтыг ажлын 30 хоногт багтаан иргэдийн дансанд шилжүүлдэг журамтай. Энэ дагуу НӨАТ-ын энэ оны эхний улирлын буцаан олголтыг өнөөдрөөс эхлүүлэн энэ долоо хоногт иргэдийн дансанд шилжүүлэхээр болжээ.

НӨАТ-ын буцаан олголтыг улирал тутамд нэг удаа олгож буй билээ. Өнгөрсөн оны IV улиралд нийт 1,153.999 иргэнд 64.4 тэрбум төгрөг буцаан олгожээ.

Иргэдийн хувьд НӨАТ-ын 2 хувийн буцаан олголтоос дунджаар 200 мянга хүртэл төгрөг авдаг гэх судалгаа гарсан байна. Татварын ерөнхий газраас мэдээлснээр, энэ оны I улирлын статистикаар нийт иргэдийн 90 хувь нь 100 хүртэл мянган төгрөг авчээ. Иймд өндөр орлоготой өрхүүдийг ч бас судлах хэрэгтэй гэсэн санал гаргасан байна.

НӨАТ-ын буцаан олголтоос авто тээврийн хэрэгслийн, үл хөдлөх хөрөнгийн албан татвар, газрын төлбөр зэргийг төлөх боломжтой болсон билээ.

Бороо, нойтон цас орж ихэнх нутгаар эрс хүйтэрнэ

/in , , , , , /by

Цаг агаарын аюултай үзэгдлээс сэрэмжлүүлэх мэдээ: Өнөөдөр /2022.04.25/ Сэлэнгийн зүүн, Төв аймгийн баруун, Хэнтий, Дорнодын хойд хэсгээр цасан шуурга шуурч, Дундговь, Дорноговь, Говьсүмбэр, Сүхбаатарын нутаг, Хэнтий, Дорнодын өмнөд, Өмнөговийн зүүн хэсгээр салхи секундэд 18-20 метр, зарим үед секундэд 24 метрийг давж ширүүсэж, Дундговь, Дорноговийн нутаг, Сүхбаатарын өмнөд, Өмнөговийн зүүн хэсгээр хүчтэй шороон шуурга шуурна.

Цаг уурч Э.Мөнх-Эрдэнэ “Дундговь, Дорноговь, Говьсүмбэрийн нутаг, Төв, Хэнтий, Сүхбаатарын өмнөд, Өмнөговийн зүүн хэсгээр  салхи секундэд 18-20 метр, зарим үед секундэд 24 метрийг давж ширүүсэж, хүчтэй шороон шуурга шуурна. Мөн Төв, Хэнтийн хойд хэсгээр цасан шуурга шуурна.

Өнөөдөр зүүн аймгуудын нутгийн ихэнх, төв аймгуудын нутгийн зүүн хэсгээр бороо, нойтон цас орж, цасан шуурга шуурч, цаг агаар ихэнх нутгаар эрс ширүүснэ, Дархадын хотгор, хангай, Хөвсгөл, Хэнтийн уулархаг нутаг Хүрэн бэлчир орчим, Завхан, Идэр, Тэс, Туул, Тэрэлж, Онон голын хөндийгөөр 2 градус хүйтнээс 3 градус дулаан. Нутгийн өмнөд хэсгээр хүчтэй салхи, шороон шуургатай байхыг онцгойлон анхааруулж байна” гэлээ.

Эх сурвалж: ЦУОШГ

Урьдчилан сэргийлэх, эрт илрүүлэх үзлэг тавдугаар сарын 1-ээс эхэлнэ

/in , , , , , /by

Монгол Улсын бүх иргэнийг халдварт болон халдварт бус өвчнөөс урьдчилан сэргийлэх эрт илрүүлэх үзлэг, шинжилгээ, оношилгоонд хамруулах ажил тавдугаар сарын 1-нээс орон даяар эхэлнэ.

Судалгаагаар 15-69 насны гурван хүн тутмын нэг нь, 45-69 насны хоёр хүн тутмын нэг нь халдварт бус өвчнөөр өвдөх эрсдэлтэй гэдгийг тогтоосон байдаг. Түүнчлэн Монгол Улсад хөдөлмөрийн насны хүн амын өвчлөл, нас баралтын шалтгааны 77 хувийг халдварт бус өвчин эзэлж, нас барсан гурван тохиолдол бүрийн нэг нь зүрх судасны өвчний шалтгаантай байна.

Манай улсын хувьд 2018 оноос нас, насны багцаар ангилан даатгуулагч-иргэдийг урьдчилан сэргийлэх үзлэгт Эрүүл мэндийн даатгалаар үнэ төлбөргүй хамруулах тогтолцоог хэрэгжүүлж эхэлсэн ч иргэдийн оролцоо, идэвх сул хэвээр байсан юм. Иймд нийт хүн амыг зонхилон тохиолдох халдварт болон халдвар бус өвчнөөс урьдчилан сэргийлэх, эрт илрүүлэх, хамралтыг нэмэгдүүлэх зорилгоор насны багц болон оношилгоо, шинжилгээний нэр төрлийг шинэчлэн Эрүүл мэндийн даатгалын үндэсний зөвлөлийн 2022 оны 06 дугаар тогтоолоор батласан.

Ингэхдээ хүн амын нас хүйс, эрүүл мэндийн эрсдэлд суурилсан, урьдчилан сэргийлэх эрт илрүүлэг шинжилгээ, оношилгоог зохион байгуулах журамд өөрчлөлт оруулж, шинэчлэн баталсан. Хуучин мөрдөгдөж байсан тушаалд зөвхөн 18-аас дээш насны иргэдийг эрт илрүүлэх шинжилгээнд хамруулж байсан бол шинэчилсэн журмаар 0-18 насны хүүхдийн эрт илрүүлгийн хоёр багц шинээр нэмэгдэж, нийт 6 насны бүлгээр 31 төрлийн өвчин эмгэгийг илрүүлэх 40 төрлийн оношилгоо, шинжилгээг хийхээр холбогдох мэргэжлийн байгууллагууд бэлтгэл ажлаа хангажээ.

Урьдчилан сэргийлэх, эрт илрүүлэгт шинээр нэмэгдсэн хүүхдийн 0-5, 6-17 насны багцаар хүүхдүүдийн дунд зонхилон тохиолдох өвчин эмгэг, хөгжлийн хоцрогдол, амны хөндий, сүрьеэ, сэтгэцийн эрүүл мэндийн эрсдэлийг эрт үед нь илрүүлж өвчний хүндрэл, хөгжлийн бэрхшээлд хүргэх эрсдэлийг бууруулах зорилготой бөгөөд үзлэг, шинжилгээг эрүүл мэндийн даатгалын гэрээ бүхий өрх, сум, тосгоны эрүүл мэндийн төвд товлолын дагуу хийлгэнэ.

Харин насанд хүрэгчдийн эрт илрүүлэг нь зонхилон тохиолдох халдварт болон халдварт бус өвчин эмгэгийг эрт үед илрүүлж, тэдгээрийн хүндрэл, нас баралтыг бууруулах зорилготой бөгөөд товлолын дагуу лавлагаа шатлалын гэрээт эрүүл мэндийн байгууллагад үзлэг, шинжилгээг хийлгэх юм.

Эрүүл мэнд, өвчин эмгэгийн эрсдэлтэй хүнийг эрт илрүүлэн, даамжруулахгүй эмчилж, сэргийлснээр хувь хүний амьдралын чанар, хүн амын дундаж наслалт нэмэгдэх, цаашлаад эмнэлгийн ачаалал багасгах, улс, орны эдийн засагт учруулж буй эмнэлгийн зардлыг бууруулах зэрэг олон төрлийн ач холбогдолтой.

Урьдчилан сэргийлэх, эрт илрүүлэх үзлэгийн насны багцуудын талаарх дэлгэрэнгүй мэдээллийг танилцуулж байна.

Багц 1: 5 хүртэлх насны даатгуулагчийн урьдчилан сэргийлэх, эрт илрүүлгийн багц

1.    Урьдчилан сэргийлэх, эрт илрүүлгийн зар түгээх,

2.    Эмнэл зүйн иж бүрэн үзлэг:

3.    Биеийн хэмжилт, өсөлтийн үнэлгээ, БЖИ

4.    Хөгжлийн үзүүлэлтүүдийн үнэлгээ.

5.    Сэтгэц, зан төрхийн үнэлгээ:

6.    Амны хөндийн эрүүл мэндийн үзлэг, зөвлөгөө:

7.    Дүгнэлт бичих

8.    Зөвлөгөө өгөх, шилжүүлэх 

Бага насны хүүхэд 9, 18, 36, 48, 60 сартайд урьдчилан сэргийлэх, эрт илрүүлэгт хамрагдаж, багцад багтсан тусламж, үйлчилгээг бүрэн авсан байна.

Амны хөндийн эрүүл мэндийн тусламж үйлчилгээг 18 сартай (1,6 нас)-гаас эхлэн хүргэнэ.

Үзлэг, шинжилгээ зөвхөн өрх, сум, тосгоны эрүүл мэндийн төвд хийгдэнэ.

 

Багц 2: 6-17 насны даатгуулагчийн урьдчилан сэргийлэх, эрт илрүүлгийн багц

1.    Урьдчилан сэргийлэх, эрт илрүүлгийн зар түгээх,

2.    Эмнэлзүйн үзлэг:

3.    Биеийн хэмжилт, БЖИ:

4.    Сэтгэц, зан төрхийн хөгжлийн үнэлгээ:

5.    Сүрьеэгийн эрсдэлийн үнэлгээ:

6.    Амны хөндийн эрүүл мэндийн үзлэг, зөвлөгөө:

7.    Дүгнэлт бичих

8.    Зөвлөгөө өгөх, шилжүүлэх

Сургуулийн насны хүүхэд энэ багцад багтсан тусламж, үйлчилгээнд жил бүр хамрагдана. Үзлэг, шинжилгээ зөвхөн өрх, сум, тосгоны эрүүл мэндийн төвд хийгдэнэ.

 

Багц 3: 18-30 насны  даатгуулагчийн урьдчилан сэргийлэх, эрт илрүүлгийн багц

1.    Биохимийн шинжилгээ (холестерин, триглицерид, АСАТ, АЛАТ, шууд билирубин, амилаза, креатинин, мочевин),

2.    Цус болон шээсний ерөнхий шинжилгээ,

3.    Тэмбүү илрүүлэх хурдавчилсан шинжилгээ,

4.    ХДХВ илрүүлэх хурдавчилсан шинжилгээ,

5.    Хепатитийн В, С вирусийн эсрэг бие илрүүлэх хурдавчилсан сорил,

6.    Зүрхний цахилгаан бичлэг,

7.    Цээжний рентген зураг

8.    Эмчийн үзлэг

9.    Эрт илрүүлгийн асуумж, эрсдэлийн үнэлгээ

10. Дүгнэлт

11. Зөвлөгөө

Үзлэг, шинжилгээ зөвхөн лавлагаа шатлалын эрүүл мэндийн байгууллагад жилд нэг удаа хийгдэнэ.

 

Багц 4: 31-45 насны  даатгуулагчийн урьдчилан сэргийлэх, эрт илрүүлгийн багц

1.    Биохимийн шинжилгээ (холестерин, триглицерид, АСАТ, АЛАТ, шууд билирубин, амилаза, креатинин, мочевин),

2.    Цус болон шээсний ерөнхий шинжилгээ,

3.    Өлөн үеийн глюкоз,

4.    Тэмбүү илрүүлэх хурдавчилсан шинжилгээ,

5.    ХДХВ илрүүлэх хурдавчилсан шинжилгээ,

6.    Хепатитийн В, С вирусийн эсрэг бие илрүүлэх хурдавчилсан сорил,

7.    Эсийн шинжилгээ –ПАП тест,

8.    Хэвлийн хэт авиа,

9.    Бамбайн хэт авиа,

10. Хөхний хэт авиа,

11. Зүрхний цахилгаан бичлэг,

12. Улаан хоолой, ходоодны дуран,

13. Цээжний рентген зураг

14. Эмчийн үзлэг:

15. Эрт илрүүлгийн асуумж, эрсдэлийн үнэлгээ:

16. Дүгнэлт

17. Зөвлөгөө

Үзлэг, шинжилгээ зөвхөн лавлагаа шатлалын эрүүл мэндийн байгууллагад жилд нэг удаа хийгдэнэ.

 

Багц 5: 46-60 насны  даатгуулагчийн урьдчилан сэргийлэх, эрт илрүүлгийн багц

1.    Биохимийн шинжилгээ (холестерин, триглицерид, АСАТ, АЛАТ, шууд билирубин, амилаза, креатинин, мочевин),

2.    Цус болон шээсний ерөнхий шинжилгээ,

3.    Өлөн үеийн глюкоз,

4.    Өтгөнд далд цус илрүүлэх шинжилгээ,

5.    Хепатитийн В, С вирусийн эсрэг бие илрүүлэх хурдавчилсан сорил,

6.    Эсийн шинжилгээ –ПАП тест,

7.    Хэвлийн хэт авиа,

8.    Бамбайн хэт авиа,

9.    Хөхний хэт авиа,

10. Зүрхний цахилгаан бичлэг,

11. Улаан хоолой, ходоодны дуран,

12. Цээжний рентген зураг

13. Эмчийн үзлэг

14. Эрт илрүүлгийн асуумж, эрсдэлийн үнэлгээ

15. Дүгнэлт

16. Зөвлөгөө

Үзлэг, шинжилгээ зөвхөн лавлагаа шатлалын эрүүл мэндийн байгууллагад жилд нэг удаа хийгдэнэ.

 

Багц 6: 61-ээс дээш насны  даатгуулагчийн урьдчилан сэргийлэх, эрт илрүүлгийн багц

1.    Биохимийн шинжилгээ (холестерин, триглицерид, АСАТ, АЛАТ, шууд билирубин, амилаза, креатинин, мочевин),

2.    Цус болон шээсний ерөнхий шинжилгээ,

3.    Өлөн үеийн глюкоз,

4.    Өтгөнд далд цус илрүүлэх шинжилгээ,

5.    Хепатитийн В, С вирусийн эсрэг бие илрүүлэх хурдавчилсан сорил,

6.    Хэвлийн хэт авиа,

7.    Бамбайн хэт авиа,

8.    Хөхний хэт авиа,

9.    Зүрхний цахилгаан бичлэг,

10. Улаан хоолой, ходоодны дуран,

11. Цээжний рентген зураг

12. Эмчийн үзлэг

13. Эрт илрүүлгийн асуумж, эрсдэлийн үнэлгээ:

14. Дүгнэлт

15. Зөвлөгөө

ДОЛОО ХОНОГИЙН ӨРНИЙН ЗУРХАЙ 2022.IV.25-2022.V.1

/in , , , , , , /by

Хонь

Ажлын байран дээрх өрсөлдөөнөөс болгоомжил, учир нь тэд таны алдагдсан боломжуудыг олж авах гэж байна. Бага зэрэг нийтэч байхыг зөвлөж байна. Мөн үр бүтээмжтэй ажиллахад туслах шинэ хүмүүстэй танилцаарай. Санхүүгийн тал дээр орлого нэмэгдсэн, амжилттай долоо хоног болно. Тиймээс урт хугацаандаа амжилттай байхын тулд шинэ хөрөнгө оруулалт хийх тухай бодож үзэхэд гэмгүй. Гэрт тань гэнэтийн зочин ирж магадгүй. Энэ нь таны өдөр тутмын тогтсон хэмнэлийг жаахан эвдэж магадгүй юм.
Үхэр
Энэ долоо хоногт та урам зоригоор дүүрэн байх ба энэ нь таны эргэн тойрны хүмүүст сайнаар нөлөөлнө. Шинэ төсөл эхлүүлж, ажил дээрээ завгүй байна. Гэнэтийн зардал гарч болзошгүй тул мөнгө зарцуулалтдаа анхаарлаа хандуулаарай. Гэр бүлийнхэн тань сэтгэл санаа тайван аз жаргалтай байна. Гэрлэсэн хосууд хүүхэдтэй болох магадлал өндөр байна. Зарим нэг хүмүүс олон нийтийн арга хэмжээнд оролцож магадгүй. Хурц хоол хүнснээс татгалзаж, ходоод гэдсээ хямраахаас зайлсхийгээрэй.
Ихэр
Аливааг ухаалаг өнцгөөс харж, асуудлыг өөрийнхөөрөө шийдээрэй. Ажил дээрээ бусдад туслахын тулд өөрийгөө орхигдуулах вий. Албан ёсны ажил хэргийн аялал хийж магад. Мөн энэ долоо хоногт өөрийгөө таниулах боломж бүрийг алдахгүй ашигла. Бизнесийн шинэ гэрээ байгуулж магадгүй. Гэр бүлийн тань хүний эрүүл мэнд сайнгүй байна. Таны эрүүл мэнд сайн байгаа тул дасгал хөдөлгөөн, эрүүл амьдралын хэмнэлийг сонгоорой. Өнгөрсөн ба ирээдүйд санаа зоволгүй өнөөдрөөрөө амьдар.
Мэлхий
Энэ долоо хоногт ажил дээрээ илүү хариуцлагатай байж, анхаарлаа төвлөрүүлэн, хувийн өндөр зохион байгуулалттай байх шаардлагатай. Үүний үр дүнд таны гүйцэтгэл нэмэгдэнэ. Гадаадад ажиллах сайхан боломж гарч ирж ч магадгүй юм. Гадагшаа явж ажиллаж, сурах хүсэлтэй хүмүүс энэ долоо хоногт сайхан мэдээ сонсох магадлалтай байна. Мөнгөө хэрхэн зарцуулж байгаадаа дүн шинжилгээ хийж, ирээдүйдээ баталгаатай байхын тулд ухаалаг шийдвэр гарга. Хайр дурлалын амьдрал учир зүйгээ олохгүй байх магадлалтай. Эрүүл мэндээ анхаарч, гэмтэж бэртэхээс сэргийл.
Арслан
Энэ долоо хоногт санхүүгийн хувьд аюулгүй байж, хуримтлагдсан өр төлбөрөө барагдуулах боломжтой болно. Хэн нэгэнд мөнгө зээлэхээс татгалзах хэрэгтэй. Мөн хүнээс зээл авахаас ч зайлсхий. Амьдралынхаа болон өөрийнхөө тухай эргэцүүлэн бодож, хайртай хүмүүстэйгээ илүү сайн танилц. Гэр бүлийн аялал төлөвлө. Сэтгэл ханамжаа дээшлүүлэх нь ажил, амьдралд тань ашиг тусаа өгнө. Бизнесийн шинэ санаа төрж, түүнийгээ хэрэгжүүлснээр амжилтад хүрэх боломжтой.
Охин
Энэ долоо хоногийн турш та завгүй байж, олон төрлийн төсөл, хөтөлбөрт хамрагдана. Дуусгаж амжаагүй олон ажлаа дуусгана. Санхүүгийн байдал сайжирна. Илүү их мөнгө олох шинэ санаа төрж магадгүй. Цахим сургалтад хамрагдаж, карьераа ахиулаарай. Мэргэжлийн ур чадвараа дээшлүүлэхэд анхаарал хандуул. Жижиг саад бэрхшээлүүдийг үл харгалзан, том амжилтын төлөө урагшаа. Ганц бие хүмүүс хайраа олох магадлалтай. Нуруу өвдөж болзошгүй.
Жинлүүр
Ажил хэргийн харилцаагаа тодорхой байлга. Танай хамт олон, багийн гишүүд хамтран ажиллахдаа хойрго хандаж, та стресст орж болзошгүй. Тав тухтай бүсдээ хоргодоод байлгүй шинэ зүйл туршиж үзэхийг зөвлөж байна. Санхүүгийн эрсдэл гаргахаас зайлсхий. Аливаа шийдвэр гаргахдаа эргэлзэж байвал ойр дотныхоо хүмүүсээс зөвлөгөө аваарай. Хүсээгүй маргаанаас зайлсхийхийн тулд хайртай хүмүүстэйгээ хүндэтгэлтэй бөгөөд үндэслэлтэй харьцаарай. Цээжтэй холбоотой эрүүл мэндийн асуудал үүсч болзошгүй.
Хилэнц
Ажлын байрны орчин таатай бус байснаас зорьсон зорилгодоо хүрч чадахгүй байх магадлалтай. Аливааг хөнгөн хүлээж авахыг хичээгээрэй. Ингэснээр илүү эерэг, баяр баясгалантай орчныг өөртөө бүрдүүлж чадна. Эргэн тойрондоо өөдрөг үзэл түгээхийг хичээгээрэй. Удирдах албан тушаалтнуудаасаа магтаал сонсоно. Бизнес эрхлэгчид санхүүгийн хүндрэлтэй тулгарч, төслүүд саатаж болзошгүй. Ингэснээр зээл авах шаардлага үүснэ. Оюутан, сурагчдад гадаадад суралцах боломж гарч ирнэ.
Нум
Бизнес эрхлэгчид шинэ гэрээнд гарын үсэг зурж магадгүй. Хувийн асуудлаа шийдвэрлэхийн тулд аливаад ухаалгаар хандаарай. Ухаалаг, хүлээцтэй байсны эцэст энэ долоо хоногт удаан хүлээж байсан боломжоо гартаа оруулж мэдэх юм. Урт хугацаандаа та үүнээс ашиг хүртэнэ. Аливаа асуудлыг шийдэхдээ гэр бүлийн хүнийхээ санал, зөвлөгөөг сонсоорой. Харилцаагаа шинэ шатанд гаргахын тулд ярилц. Хүүхдүүдийн хичээл, сурлага сайн байна. Ямар нэгэн санаа зовоосон зүйл байгаа бол хөгжим сонсох зэргээр өөрийгөө тайвшруулаарай.
Матар
Энэ долоо хоногт та нөхөрлөл, гэр бүлийн харилцаагаа сэргээх боломжтой. Гэр орны асуудлуудаа цэгцэлж, “ужгирсан” ажлаа дуусга. Санхүүгийн луйварт өртөхөөс болгоомжил. Ажил дээрээ өөдрөг, гэгээлэг байснаар хүн бүхэн танд талархах болно. Үүний үр дүнд бусад хүмүүс ч илүү үр бүтээлтэй ажиллах боломжтой болно. Эрүүл мэнддээ анхаарч, жижиг зүйлийг ч сайн ажиглаарай. Хайртай хүнтэйгээ маргалдаж, түрэмгий зан гаргахаас зайлсхий. Аль болох гэртээ цагийг өнгөрөө.
Хумх
Энэ долоо хоногт та өмнөх хөрөнгө оруулалтынхаа өгөөжийг хүртэнэ. Дотнын найз, эсвэл гэр бүлийн гишүүнтэйгээ бизнесийн түнш болох нь ашигтай. Аливаад тайван хандвал ажил мэргэжилдээ амжилт гаргах боломжтой байна. Уур хилэнгээ барьж чадахгүй бол танд л ашиггүй. Энэ нь эрүүл мэндэд муугаар нөлөөлөөд зогсохгүй ажил төрөл, бусад харилцаанд ч сөргөөр нөлөөлнө. Хувийн асуудлууд санаа зовоож, эрч хүчийг тань гундааж магадгүй. Асуудлыг даван туулахын тулд ханиасаа дэмжлэг ав.
Загас
Энэ долоо хоногт ачаалал ихтэй байж, бие махбод, сэтгэл санааны ядаргаанд орж болзошгүй. Төсөл, даалгаврыг амжилттай удирдан чиглүүлснээр карьертаа ахиц гаргана. Гадаад улсад аялах боломж гарч магадгүй. Хайртай хүнтэйгээ үл ойлголцохоос сэргийлж, эрүүл харилцаатай байхыг эрхэмлэ. Шаардлагатай үед ахмад хүмүүсээс зөвлөгөө авахад буруудахгүй. Ходоод өвдөж магадгүй тул хоол ундандаа анхаар, стрессээс өөрийгөө чөлөөл. Аливаа сорилтод бэлэн, хүчтэй, зоригтой байгаарай.

Хүүхдийн мөнгө барьцаалан зээл олгох, зээлд суутгахыг хориглоно

/in , , , , , /by

2020 оны гуравдугаар сараас эхлэн төрөөс хүүхэд бүрд 100 мянган төгрөг олгож байна. Хүүхдийн мөнгө нь хүүхдэдээ зарцуулагдахгүй хүүхдээ хүчирхийлсэн ээж, аавын дансанд шилжүүлж байгааг шүүмжлэх нь түгээмэл билээ.

Иймд Хүүхдийн мөнгө олгох журамд өөрчлөлт оруулж, хүүхдийн мөнгийг хариуцлагагүй эцэг, эхийн данс руу биш хүүхдийн хадгаламжийн данс руу, эсвэл тухайн хүүхдийг асран халамжилж буй жишээ нь эмээ, өвөө, ах эгчид нь шилжүүлэх зохицуулалтыг хийсэн гэж ХНХ-ын сайд А.Ариунзаяа цахим хуудсаараа дамжуулан мэдээлэв. Уг журамд Хүүхдийн мөнгийг барьцаалан зээл олгох, эсвэл зээлд суутган авахыг хориглосон байна.

Хүүхдийн мөнгөн хуримтлалыг Төрийн санд байршуулан хуримтлуулах, бүртгэх, мөнгөн хэлбэрээр олгох ЖУРАМ-д: 

5.2.Нийгмийн халамжийн асуудал хариуцсан төрийн захиргааны байгууллага дараахь тохиолдолд хуримтлалыг мөнгөн хэлбэрээр олгохыг түр зогсоох шийдвэр гаргана:
      5.2.1.регистрийн дугаар давхардах болон өөр бусад шалтгаанаар хүүхдийн мөнгөн хуримтлалаас илүү олгогдсон;
      5.2.2.эцэг, эх, асран хамгаалагч нь сураггүй алга болсон;
   5.2.3.эцэг, эх, асран хамгаалагч нь хүүхдийн эрхийг зөрчсөн, хүүхдээ асран хамгаалах, тэжээн тэтгэх үүргээ үл биелүүлсэн, хүүхдийн эсрэг гэмт хэрэг үйлдсэн талаар хүүхэд, гэр бүлийн хөгжлийн асуудал хариуцсан орон нутгийн байгууллага, эсхүл хүүхдийн эрхийн улсын байцаагчийн дүгнэлт гарсан.

5.3.Энэ журмын 5.2.1-д заасан тохиолдол үүссэн бол дараа сарын мөнгөн олголтоос суутгана.

5.4.Энэ журмын 5.2.2-т заасны дагуу түр зогсоосон тохиолдолд асран хамгаалагч, харгалзан дэмжигч тогтоосон харьяа сум, дүүргийн Засаг даргын захирамжийг үндэслэн хуримтлалыг мөнгөн хэлбэрээр олгохыг түр зогсоосон хугацаанаас тооцож үргэлжлүүлэн олгоно.

5.5.Энэ журмын 5.2.3-т заасны дагуу мөнгөн олголтыг түр зогсоосон тохиолдолд орон нутгийн хүүхэд, гэр бүлийн хөгжлийн асуудал хариуцсан байгууллага, эсхүл хүүхдийн эрхийн улсын байцаагчийн гаргасан дүгнэлтийг үндэслэн хуримтлалыг мөнгөн хэлбэрээр олгохыг түр зогсоосон хугацаанаас тооцож үргэлжлүүлэн олгоно.

ӨДӨРТ 1000 ГАРУЙ ДАНСААР 2000 ОРЧИМ МӨРИЙТЭЙ ТОГЛООМТОЙ ХОЛБООТОЙ ГҮЙЛГЭЭ ХИЙГДДЭГ БАЙСНЫГ ТОГТООСОН

/in , , , , , /by

Сүүлийн жилүүдэд залуучууд цахим мөрийтэй тоглоомд донтож хөдлөх болон үл хөдлөх хөрөнгөө зарж үрэх,   цаашлаад их хэмжээний өр, дарамтад орох тохиолдлууд нэмэгдэж байгааг цагдаагийн байгууллагаас мэдээллээ.  Мөн энэ төрлийн гэмт хэрэгт өсвөр насныхан холбогдох нь ихэссэн байна.

Тодруулбал цахим мөрийтэй тоглоомыг зохион байгуулагчид нь тоглогчдын гард байгаа хөзрийг мэдэж байдаг бөгөөд тоглолтын үр дүнг өөрсдийн хүссэнээр өөрчлөх боломжтой байдаг байна. Ингэхдээ залуучуудыг мөрийтэй тоглоомд оруулахын тулд эхлээд хожих боломжуудыг олгож их хэмжээгээр мөнгө оруулбал их ашиг олно гэсэн сэдлийг  төрүүлэх тактик ашигладаг байна.  Цахим мөрийтэй тоглоом, түүнээс үүдэлтэй  гэмт хэрэгийн тохиолдол 2021 онд 94 хувиар өссөн байна. Харин энэ оны 1-р улирлын байдлаар цахим мөрийтэй тоглоомын 93 хэрэг бүртгэгджээ. Энэ төрлийн гэмт хэргийг зохион байгуулсан 43 сайтын хандах эрхийг хязгаарлаж, тухайн сайтууд байршуулан мөнгө татан төвлөрүүлэх, тараалт хийх зэргээр ашиглаж байсан 25 дансанд хязгаарлалт тогтоож их хэмжээний мөнгийг битүүмжилсэн байна.

 

Өдөрт дунджаар 1000 гаруй дансаар 2000 орчим мөрийтэй тоглоомтой холбоотой гүйлгээ хийгддэг байсныг цагдаагийн байгууллагаас илрүүлжээ. Энэ төрлийн гэмт хэрэгт холбогдсон, цаашлаад их хэмжээний өрөнд орж амиа хорлох оролдлого хийсэн ч хүн байгаа юм. Цагдаагийн байгууллагаас хяналт шалгалтыг хийж байгаа талаар мэдээллээ. Тоглоом болон мөрий нь хуулиар шаардах эрхийг бий болгохгүй. Хэрэв мөрийтэй тоглоом тоглоод бусдад их хэмжээний мөнгөө алдсан, эсвэл эд хөрөнгөө алдсан тохиолдолд заавал тухайн эд хөрөнгийг өгөхгүй байсан ч болно гэсэн үг юм.

Мөрийтэй тоглоомд донтсон хүний сэтгэл санаа тогтворгүй,  амар хялбар аргаар мөнгө олох хүсэлт автсан, алдсан мөнгө буцааж олхын тулд хэдэн цаг, хэдэн өдрөөр ч тоглоход бэлэн болсон байдаг байна.

Олон нийтийн газар эсвэл мэдээллийн технологи ашиглан шоо, хөзөр бусад эд зүйлээр мөрийтэй тоглоом зохион байгуулсан бол 450 нэгжээс 14000 нэгжтэй тэнцэх хэмжээний төгрөгөөр торгох заалттай байдаг. Мөн 240-720 цаг хүртэлх хугацаагаар нийтэд тустай ажил хийлгэх болон зургаан сараас гурван жил хүртэлх хугацаагаар зорчих эрхийг хязгаарлах,  дээрх хугацаагаар хорих ялаар шийтгэдэг байна. Харин тоглосон иргэнд зөрчлийн тухай хуулинд зааснаар торгох шийтгэл ногдуулдаг байна.

​Жагсаалт: Хувьчлах, нэгтгэх, татан буулгах төрийн өмчит компаниудын нэрс

/in , , , , , , /by

Засгийн газар 2022 оны төсвийн тодотголын төслийг дагалдуулж Төрийн өмчийн хуулийн этгээдийн хувьцааг 2022-2023 онд биржээр олон нийтэд худалдах үндсэн чиглэлийг УИХ-д оруулж ирлээ. Үндсэндээ Засгийн газар өмч хувьчлалыг гурван чиглэлд буюу төрийн эзэмшлийн тодорхой хувийг олон нийтэд арилжаалах, ижил чиг үүрэгтэй төрийн өмчийн компаниудыг нэгтгэх, татан буулгах гэсэн чиглэлийг барьжээ. 

НЭГ. Дараах компаниудын 34 хүртэлх хувийг хувьчилна

Дор нэр дурдсан 36 төрийн өмчит компанийн 34 хүртэлх хувийг олон нийтэд хувьчилж, төрийн эзэмшил 66 хувиас хэтрэхгүй байна. Олон нийтэд хувьцааг арилжихдаа нэг иргэн, хуулийн этгээд хамгийн ихдээ таван хувиас хэтрүүлэхгүй байхаар оруулж иржээ. Энэ нь улс төрд нөлөө бүхий этгээдүүдийн хамаарал бүхий аж ахуйн нэгжүүдийн оролцоог хязгаарлах, хөрөнгийн тэгш бус байдлыг багасгах, бизнес эрхлэгчдэд тэгш боломж олгох, шударга өрсөлдөөнийг хангахад чухал нөлөөтэй гэж үзсэн байна. 

  1. Монголын хөрөнгийн бирж” ТӨХК​;

  2. “Монголын цахилгаан холбоо” ХК​;
  3. “Мэдээлэл холбооны сүлжээ” ХХК;​
  4. “Мэдээлэл, технологийн үндэсний парк” ТӨҮГ​;
  5. “Үндэсний давхар даатгал” ХК​;
  6. “Алтай-Улиастайн эрчим хүчний систем” ТӨХК​;
  7. “Багануур зүүн өмнөд бүсийн цахилгаан түгээх сүлжээ” ТӨХК​;
  8. “Баруун бүсийн эрчим хүчний систем” ТӨХК;
  9. “Дархан дулааны сүлжээ” ТӨХК​;
  10. “Диспетчерийн үндэсний төв“ ХХК​;
  11. “Дорнод бүсийн эрчим хүчний систем” ТӨХК​;
  12. “Өмнөд бүсийн цахилгаан түгээх сүлжээ” ТӨХК​;
  13. “Улаанбаатар Дулааны Сүлжээ” ТӨХК;
  14. “Улаанбаатар цахилгаан түгээх сүлжээ” ТӨХК;
  15. “Цахилгаан дамжуулах үндэсний сүлжээ” ТӨХК​;
  16. “Эрдэнэт булганы цахилгаан түгээх сүлжээ”  ТӨХК​;
  17. “Баянчандмань АЗЗА” ТӨХК​;
  18. “Налайх АЗЗА” ТӨХК​;
  19. “Архангай-АЗЗА” ТӨХК;​
  20. “Багануур-АЗЗА” ТӨХК;​
  21. “Булган-АЗЗА” ТӨХК;​
  22. “Говь-Алтай-АЗЗА” ТӨХК; ​
  23. “Дархан-АЗЗА” ТӨХК​;
  24. “Дорноговь-АЗЗА” ТӨХК;  ​
  25. “Завхан-АЗЗА” ТӨХК​;
  26. “Орхон-АЗЗА” ТӨХК​;
  27. “Өвөрхангай-АЗЗА” ТӨХК​;
  28. “Сэлэнгэ-АЗЗА” ТӨХК;​
  29. “Талын зам” ТӨХК;
  30. “Төв-АЗЗА” ТӨХК​;
  31. “Увс-АЗЗА” ТӨХК; ​
  32. “Харгуй” ТӨХК​;
  33. “Хархорин-АЗЗА” ТӨХК;  ​
  34. “Ховд-АЗЗА” ТӨХК​;
  35. “Хөвсгөл-АЗЗА” ТӨХК​;

  36. “Эрдэнэсант-АЗЗА” ТӨХК​.

Төрийн банкны 20 хүртэлх хувийг олон нийтэд арилжаална

Дээрх компаниуд дээр Төрийн банк нэмэгдэнэ. Банкны тухай хуульд заасны дагуу Төрийн банк 2022 оны долдугаар сарын 1-нээс өмнө олон нийтэд хувьцаагаа санал олгож, нээлттэй хувьцаат компани болох учиртай. Тэгвэл Засгийн газраас Төрийн банкны олон нийтэд арилжаалах хувь эзэмшлийг тогтоожээ. Ингэхдээ Төрийн банкны төрийн эзэмшил 80 хувиас доошгүй, 20 хүртэлх хувийг олон нийтэ үе шаттай арилжаалахаар оруулж ирсэн байна.

ХОЁР: Дараах төрийн өмчийн компани, үйлдвэрийн газрыг нэгтгэнэ

Чиг үүрэг нь ижил төстэй үйл ажиллагаа явуулж буй төрийн өмчит аж ахуйн нэгжүүдийг нэгтгэх арга хэмжээ авахыг Ерөнхий сайд ТӨБЗГ-ын дарга, холбогдох сайд нарт үүрэг болгожээ.

1. “Эрчим хүчний хөгжлийн төв” төрийн өмчит аж ахуйн тооцоот үйлдвэрийн газар, “Сэргээгдэх эрчим хүчний үндэсний төв” төрийн өмчит аж ахуйн тооцоот үйлдвэрийн газар, “Эрчим хүчний эдийн засгийн хүрээлэн” төрийн өмчит аж ахуйн тооцоот үйлдвэрийн газрыг нэгтгэн төрийн өмчит хязгаарлагдмал хариуцлагатай компани байгуулах

2. “Зам, тээврийн хөгжлийн төв” төрийн өмчит үйлдвэрийн газар, “Автотээврийн үндэсний төв” төрийн өмчит үйлдвэрийн газрыг нэгтгэн төрийн өмчит хязгаарлагдмал хариуцлагатай компани байгуулах

3. “Геологийн судалгааны төв” төрийн өмчит аж ахуйн тооцоот үйлдвэрийн газар, “Геологийн төв лаборатори” төрийн өмчит аж ахуйн тооцоот үйлдвэрийн газрыг нэгтгэн төрийн өмчит хязгаарлагдмал хариуцлагатай компани байгуулах,

4. Шинжлэх ухааны академийн харьяа Геологийн хүрээлэнг Үндэсний геологийн албатай нэгтгэх

5.“Бөртэ” төрийн өмчит аж ахуйн тооцоот үйлдвэрийн газар, “Цагаан шонхор” төрийн өмчит аж ахуйн тооцоот үйлдвэрийн газар, болон төрийн байгууллагуудын харьяанд байдаг бүх төрлийн хувцасны үйлдвэрийн үйл ажиллагааг нэгтгэн төрийн өмчит хязгаарлагдмал хариуцлагатай компани

6. “Монгол Ус” төрийн өмчит үйлдвэрийн газрыг Усны газартай нэгтгэх

ГУРАВ: Дараах компаниудыг татан буулгана,  эсвэл бүтцийг нь өөрчилнө

Дараах  ТӨҮГ, төрийн өмчит газруудыг татан буулгах, эсвэл бүтцийн өөрчлөлт хийхийг даалгажээ.

–“Радиотелевизийн үндэсний сүлжээ” улсын төсөвт үйлдвэрийн газар,

– “Хөдөө аж ахуйн бирж” ХХК,

-“Автоимпекс” ТӨХК,

-“Гермон газ” ХХК,

– “Монгол кино нэгтгэл” ТӨҮГ,

-“Спортын бэлтгэлийн төв” ТӨҮГ,

-“Буянт-Ухаа спортын ордон” ТӨҮГ,

-“Техник спортын төв” ТӨҮГ